កំពុងយ៉ាប់ផង Man Utd ប៉ះ Valencia យប់នេះបាត់កីឡាករសំខាន់ច្រើន
- 2018-10-02 02:33:25
- ចំនួនមតិ 0 | ចំនួនចែករំលែក 0
កំពុងយ៉ាប់ផង Man Utd ប៉ះ Valencia យប់នេះបាត់កីឡាករសំខាន់ច្រើន
ចន្លោះមិនឃើញ
Jesse Lingard, Ashley Young និង Ander Herrera នឹងអវត្តមានក្នុងការប្រកួតឲ្យ Manchester United ទល់នឹង Valencia ក្នុងពូល H នៃពាន Champions League នៅរាត្រីនេះ ដោយសារបញ្ហារបួស។
Young បានដើរតួនាទីធ្វើជាប្រធានក្រុមរបស់បិសាចក្រហមកាលពីថ្ងៃសៅរ៍សប្ដាហ៍មុន ពេលចាញ់ West Ham ៣-១។ ខ្សែការពារ Marco Rojo ដែលមិនទាន់បានលេងសោះក្នុងរដូវកាលនេះ ក៏កំពុងរបួសដូចគ្នា។
United បច្ចុប្បន្នកំពុងតែនៅកំពូលតារាពូល H បន្ទាប់ពីយកឈ្នះ Young Boys ក្នុងការប្រកួតបើកឆាក ប៉ុន្តែចាប់តាំងពីប្រកួតនោះមកពួកគេមិនទាន់ឈ្នះសោះ គិតគ្រប់កម្មវិធី។ សាកសួរមុនការប្រកួតអំពីការមិនឈ្នះជាប់ៗគ្នា អ្នកចាត់ការលោក Jose Mourinho បាននិយាយ កីឡាកររបស់លោកមួយចំនួនគិតពីក្រុមជាកីឡាករមួយចំនួនទៀត។
សម្រាប់ក្រុមអេស្ប៉ាញ Vacencia ក្នុងការប្រកួតបើកឆាក UCL ពួកគេបានចាញ់ Juventus ២-០ ក្នុងផ្ទះខ្លួនឯង។ លទ្ធផលនេះធ្វើឲ្យពួកគេស្ថិតនៅលេខ៣ក្នុងពូល៕