គ្រូ Spurs បាននិយាយថា Messi ប៊ិះនឹងចេញពី Barca ទៅហើយកាលពីជាង១០ឆ្នាំមុន
- 2018-10-02 11:04:15
- ចំនួនមតិ 0 | ចំនួនចែករំលែក 0
គ្រូ Spurs បាននិយាយថា Messi ប៊ិះនឹងចេញពី Barca ទៅហើយកាលពីជាង១០ឆ្នាំមុន
ចន្លោះមិនឃើញ
នៅក្នុងសន្និសីទមុនការប្រកួតBarcelonaទល់នឹងTottenham Hotspurក្នុងក្របខ័ណ្ឌ UEFA Champions League លោកMauricio Pochettino បានលើកឡើងថាកីឡាករ Lionel Messi កៀកនឹងផ្ទេរទៅក្លឹប Espanyol នៅឆ្នាំ២០០៥។
អ្នកចាត់ការទូទៅរបស់ក្លឹបលីគកំពូលអង់គ្លេសមួយនេះបាននិយាយថា៖ "ខ្ញុំចាប់ផ្ដើមឮពីឈ្មោះគេ(Lionel Messi) កាលពីខ្ញុំនៅជាកីឡាកររបស់ក្លឹប Espanyol។ គេបានចាកចេញពីអាហ្សង់ទីនទៅចូលរួមជាមួយ Barcelona កាលពីនៅអាយុ១៣ឆ្នាំ"។
លោក Pochettino បានបន្តថា៖ “Messi ប៊ិះនឹងទៅលេងឲ្យក្លឹប Espanyol គឺប៊ិះមែនទែនតែម្ដង។ ប៉ុន្តែនៅពេលប្រកួតមិត្តភាពពានJoan Gamperរវាង Barcelona និង Juventus គេបានបង្ហាញទម្រង់លេងបានយ៉ាងល្អ។ នេះគឺជាហេតុដែលនាំឲ្យ Barcelonaបន្តឲ្យគេលេងនៅក្លឹបតទៅទៀត"។
គ្រូSpurs បន្ថែមទៀតថា៖ "បើសិនជាគ្មាន Messi លេងក្នុងប្រកួតនោះទេ កុំអី Messi អាចនឹងក្លាយជាកំពូលកីឡាករនៅក្នុងក្លឹប Espanyol ហើយEspanyol ប្រហែលក្លាយជា Barcelonaនៅពេលបច្ចុប្បន្ន។ ពួកយើងទាំងពីរអាចទៅជាមិត្តរួមក្រុមហើយខ្ញុំប្រហែលជានៅ Espanyol ដើម្បីបង្វឹកគាត់ដែរ។
Pocettino ធ្លាប់លេងឲ្យក្លឹប Espanyol ក្នុងនាមជាកីឡាករពីឆ្នាំ ១៩៩៤ ដល់ ២០០១ និងពីឆ្នាំ ២០០៣ ដល់ ២០០៦។ លោកបានដឹកនាំក្លឹបអេស្ប៉ាញពីឆ្នាំ ២០០៩ ដល់ ២០១២។
Messi គឺជាវីរបុរសរបស់ក្លឹប Barcelona។ តាំងពីចូលលេងឈុតធំជាមួយក្លឹបកាលពីឆ្នាំ ២០០៤ ខ្សែប្រយុទ្ធអាហ្សង់ទីនបានស៊ុតចូលសរុប ៥៦០ គ្រាប់ ក្នុងការបង្ហាញខ្លួន ៦៤៦ លើក ហើយបានជួយក្លឹបឲ្យបានឈ្នះពានធំៗជាច្រើន៕