សិស្សវិទ្យាល័យម្នាក់ចេញទៅដណ្ដើមពានផ្នែកសម្រស់ នៅម៉ាឡេស៊ីព្រឹកមិញ
- 2018-10-03 08:23:07
- ចំនួនមតិ 0 | ចំនួនចែករំលែក 0
សិស្សវិទ្យាល័យម្នាក់ចេញទៅដណ្ដើមពានផ្នែកសម្រស់ នៅម៉ាឡេស៊ីព្រឹកមិញ
ចន្លោះមិនឃើញ
ព្រឹកមិញនេះម៉ូដែលស្រស់ស្អាតម្នាក់ គឺកញ្ញា ណេត ស្រីនីង ត្រូវបានប្រធានក្រុមម៉ូដែល "តារារះថ្មីកម្ពុជា" បញ្ជូនទៅដណ្ដើមពានក្នុងការប្រកួតសម្រស់មួយឈ្មោះថា Miss Cosmopolitan World 2018 នៅប្រទេសម៉ាឡេស៊ី។ ណេត ស្រីនីង បច្ចុប្បន្នមានវ័យ១៨ឆ្នាំ គឺជាសិស្សរៀនថ្នាក់ទី១១ នៃវិទ្យាល័យមួយក្នុងរាជធានីភ្នំពេញ។
តាមការឲ្យដឹងពី កញ្ញា សូរ្យ អេនណា ប្រធានក្រុមម៉ូដែល"តារារះថ្មីកម្ពុជា" កម្មវិធី Miss Cosmopolitan World 2018 គឺជាកម្មវិធីមួយដែលលើកស្ទួយពីវិស័យវប្បធម៌ប្រពៃណីនិងទេសចរណ៍ជាតិរបស់ប្រទេសជុំវិញពិភពលោក ដោយកម្មវិធីនេះនឹងត្រូវធ្វើចាប់ពីថ្ងៃទី៣ ដល់២១ ខែ តុលា នៅទីក្រុងកូឡាឡាំពួរ ប្រទេស ម៉ាឡេស៊ី។ ប្រទេសដែលនឹងត្រូវចូលរួមកម្មវិធីនេះទាំការចេញទៅប្រកួតនេះ ក្រៅពីទេពកោសល្យសិល្បៈដើរបង្ហាញម៉ូដ និងសម្រស់ពីធម្មជាតិ កញ្ញា ងអស់មានចំនួន៣០ប្រទេស ហើយប្រទេសនីមួយៗអាចបញ្ជូនម៉ូដែលម្នាក់ទៅ២នាក់ចូលរួម សម្រាប់ប្រទេសកម្ពុជាបានបញ្ជូនតែម្នាក់ប៉ុណ្ណោះ គឺកញ្ញា ណេត ស្រីនីង តែម្ដង។
ការចេញទៅប្រកួតនេះ ក្រៅពីទេពកោសល្យសិល្បៈដើរបង្ហាញម៉ូដ និងសម្រស់ពីធម្មជាតិ កញ្ញា ណេត ស្រីនីង ក៏បានត្រៀមនៅឈុតអប្សរា ដើម្បីបង្ហាញដល់ពិភពលោកបានទស្សនាផងដែរ។
សូរ្យ អេនណាថា សម្រាប់កម្មវិធី Miss Cosmopolitan World កន្លងមកអ្នករៀបចំកម្មវិធីធ្លាប់បានទាក់ទងក្រុមម៉ូដែលរបស់ជាច្រើនលើកមកហើយ ប៉ុន្តែដោយកូនក្រុមនាងមិនអាចសុំច្បាស់ សាលារៀនបាន ក៏មិនទៅចូលរួមប្រកួត ហើយទើបតែសម្រេចបានបញ្ជូនទៅឆ្នាំនេះ។
ប្រធានក្រុមរូបនេះ បានដាក់ក្ដីរំពឹងថា កញ្ញា ណេត ស្រីនីង នឹងអាចដណ្ដើមពានណាមួយពីកម្មវិធី យកមកឲ្យក្រុមក៏ដូចជាប្រទេសជាតិជាក់ជាមិនខាន៕