វ័ណ្ឌកឡើងវិលក្បុងបែបនេះ តើ Fan Bingbing ដាច់ចិត្តលក់វីឡាទាំង ៤១ មកបង់ពិន័យទេ?

2018-10-05 02:20:31
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីសំងំលាក់ខ្លួនរយៈពេល ១០០ថ្ងៃ ទីបំផុត Fan Bingbing ក៏បានចេញមុខសុំទោសជាសាធារណៈ និងទទួលស្គាល់កំហុសដែលខ្លួនបានប្រព្រឹត្តិខុសទាក់ទងនឹងករណីគេចពន្ធ។ ពាក់ព័ន្ធនឹងបញ្ហានេះ Fan Binbing ត្រូវមន្ត្រីរដ្ឋាភិបាលនៃប្រទេសចិន បានសម្រេចពិន័យនាងដល់ទៅ៨៩២លានយ័ន (ប្រហែល ១៣០លានដុល្លារ)។ ចំនួនប្រាក់ពិនិ័យនេះពិតជាច្រើន ហើយផ្ដល់នូវភាពលំបាកសម្រាប់នាងក្នុងការបង់ឲ្យទាន់ពេលវេលា បើមិនដូច្នោះទេ នាងនឹងត្រូវជាប់ពន្ធនាគារមិនខាន។

ជាការពិត តារាស្រីរូបនេះ គឺជាតារាដែលមានឥទ្ធិពលម្នាក់ប្រចាំពិភពសិល្បៈ និងអាចរកចំណូលបានច្រើនមិនធម្មតានាពេលកន្លងមក។ ប៉ុន្តែដោយសារច្បាប់តម្រូវឲ្យបង់ប្រាក់ពិន័យដ៏ច្រើនសន្ធឹកក្នុងរយៈមួយខែបែបនេះ សូម្បីមហាសេដ្ឋី Jack Ma ក៏ពិបាកធ្វើដែរ។ ដូចនេះតើ Fan Bingbing មានវិធីយ៉ាងណា?

ជាក់ស្ដែង ផ្អែកតាមការបង្ហាញរបស់វិបសាយព័ត៌មានចិនមួយបានឲ្យដឹងថា តារាសម្ដែងរូបនេះ មានអចលនទ្រព្យជាផ្ទះវីឡាច្រើនកន្លែងសរុបទាំងអស់ ជិត១ម៉ឺនម៉ែត្រការ៉េ ដែលគិតជាទឹកប្រាក់យ៉ាងហោចណាស់ក៏ ខ្ទង់ជាង ១ពាន់លានដុល្លារដែរ។ ហេតុនេះ តាមរយៈការរំពឹងទុករបស់អ្នកប្រើប្រាស់អ៊ីនធឺណិតជាច្រើន បានបង្ហាញដូចៗគ្នាថា Fan Bingbing នឹងលក់ផ្ទះវីឡាទាំង ៤១កន្លែងនោះ ដើម្បីយកលុយរំដោះខ្លួន៕