ភ្ញាក់ផ្អើល! ចំនួនអ្នកស្លាប់ដោយការថត Selfie ក្នុង១ឆ្នាំៗ មិនគួរឲ្យជឿ

2018-10-13 01:26:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាមធ្យមមនុស្ស៤៣ក្នុង១ឆ្នាំៗបានស្លាប់ដោយសារការថតរូបខ្លួនឯង (Selfie) គិតចាប់តាំងពីឆ្នាំ២០១១ មកនៅពេលដែលបច្ចេកវិទ្យាទូរស័ព្ទមានបំពាក់កាមេរ៉ាមុខនាំឲ្យទំនោរនៃការថត selfie ពេញនិយមទូទាំងសាកលលោក។ នេះបើយោងតាមរបាយការណ៍ថ្មីមួយទើបបានចុះផ្សាយដោយ Dailymail កាលពីពេលថ្មីៗ។

រូបតំណាង

របាយការណ៍សិក្សា ដែលបានដឹកនាំការស្រាវជ្រាវដោយ វេជ្ជបណ្ឌិត Agam Bansal ដែលមកពីវិទ្យាស្ថានវិទ្យាសាស្ត្រវេជ្ជសាស្ត្រឥណ្ឌា បានឲ្យដឹងថា ភាគច្រើននៃការស្លាប់ដោយការថត selfie មកពីការលង់ទឹក និង ផុតជើងធ្លាក់ស្លាប់។

មនុស្ស៧នាក់ក្នុងចំណោម១០នាក់ ស្លាប់ដោយការថត selfie ជាបុរស ហើយ អ្នកដែលមានអាយុចន្លោះពី ២០ ទៅ ២៩ ឆ្នាំមានចំនួនជិតពាក់កណ្តាលនៃចំនួនអ្នកស្លាប់សរុប ហើយអ្វីដែលគួរឲ្យភ្ញាក់ផ្អើលនោះគឺ ៣៦% នៃអ្នកស្លាប់គឺជាកុមារដែលមានអាយុចន្លោះពី ១០ឆ្នាំ ទៅ ១៩ឆ្នាំ។ ប្រភពខាងលើបន្ត។

រូបតំណាង

កាលពីខែមិថុនាឆ្នាំនេះ ស្ត្រីជនជាតិអង់គ្លេសម្នាក់ឈ្មោះ Louise Benson អាយុ ៣៧ ឆ្នាំ ជាមួយនឹងសង្សារគឺលោក Michael Kearns អាយុ ៣៣ ឆ្នាំបានធ្លាក់ពីលើសណ្ឋាគារកម្ពស់៣០ម៉ែត្របណ្តាលឲ្យស្លាប់នៅឆ្នេរ Ericeira ប្រទេសព័រទុយហ្គាល់។

ឥណ្ឌាស្ថិតក្នុងចំណោមប្រទេសដែលមានអត្រាអ្នកស្លាប់ច្រើនជាងគេបំផុតដែលបណ្តាលមកពីការថត selfie ភាគច្រើនបណ្ដាលមកពីមិនសូវចាប់អារម្មណ៍នឹងគ្រោះថ្នាក់ដែលនឹងអាចកើតឡើងនៅជុំវិញពួកគេ៕

ប្រភព៖ Dailymail ប្រែសម្រួល៖ សុខ លាងហ៊ត