Mourinho ថាលោកអាចទប់ទល់នឹងសម្ពាធនៅ Man Utd

2018-10-08 01:08:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Jose Mourinho អ្នកចាត់ការទូទៅក្លឹប Man Utd ជឿថាមាន "អំពើអាក្រក់ច្រើនណាស់" នៅក្នុងពិភពកីឡាបាល់ទាត់ ប៉ុន្តែលោកទទូចថាលោក "អាចទប់ទល់នឹងការតាមប្រមាញ់" ទាំងនោះមកលើសំណាក់រូបលោកបាន ក្រោយជ័យជម្នះចុងម៉ោងទាំងប្រផិតប្រផើយ។ នេះបើតាមទីភ្នាក់ងារព័ត៌មាន BBC ចុះផ្សាយថ្ងៃនេះ។

វាសនាចុងក្រោយរបស់គ្រូបង្វឹកវ័យ៥៥ឆ្នាំត្រូវបានគេជឿថានឹងកាត់សេចក្តីត្រឹមប្រកួតនៅ Old Trafford យប់មិញទល់នឹង Newcastle។

“វាជាលើកដំបូងដែលខ្ញុំបានឃើញការប្រមាញ់។ ខ្ញុំអាចទប់ទល់នឹងវាបាន"។ លោក Mourinho បាននិយាយ។

“Marcus Rashford មានការសោកស្តាយនៅលើទីលាន Scott McTominay កំពុងភ័យបុកពោះនៅកៅអីបម្រុង...” លោកបន្ថែម។

គ្រូបង្វឹកសញ្ជាតិព័រទុយហ្គាល់បាននិយាយថា មិត្តភ័ក្ដិម្នាក់បានប្រាប់លោកថា បើប្រកួតក្នុងដីល្ងាចមិញពួកគេធ្វើមិនបានល្អ ជាកំហុសរបស់លោក។

លោកបាននិយាយថា លោកបានត្រៀមរួចជាស្រេចដើម្បីទទូលយកលទ្ធផលគ្រប់បែបយ៉ាង។ "នេះជាជីវិតរបស់ខ្ញុំ។ វាជាជីវិតដែលខ្ញុំស្រលាញ់ ហើយតាំងពីខ្ញុំនៅតូចម្ល៉េះ ខ្ញុំបានធ្វើកិច្ចការនេះ"។ លោកបន្ត។

Man Utd ប្រៀបដូចខ្មោចស្លាប់ហើយរស់ឡើងវិញ។ ១០ នាទីត្រូវ Newcastle នាំមុខ ០-២ វាជាលើកដំបូងមិនធ្លាប់មាននៅក្នុងប្រវត្តិសាស្ត្ររបស់ក្លឹប។ ប៉ុន្តែក្រុមរបស់លោក Mourinho ប្រើពេលតែ២០នាទីចុងក្រោយដើម្បីវាយបកបាន៣គ្រាប់មកវិញ។

ទោះជាយ៉ាងនេះក្តី អ្នកគាំទ្រជាច្រើននៅតែបន្តគាំទ្រចង់ឲ្យ Mourinho នៅដឹកនាំក្រុមបិសាចក្រហម។ ពួកគេស្រែកច្រៀងថា "amazes Mourinho ឬ Mourinho អស្ចារ្យ"៕