ច្បាស់ហើយ iPhone XS និង​ XS Max លក់​ថ្លៃ តែ​នៅលក់​បាន​ដាច់​ខ្លាំង

  • 2018-10-11 23:51:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន​វិភាគ​ Flurry Mobile បាន​ចេញផ្សាយ​ថា iPhone XS, XS Max បាន​ទទួល​លទ្ធផល​យ៉ាង​គាប់​ប្រសើរ ក្រោយ​ចេញ​លក់​បាន​មួយ​សប្តាហ៍​។

iPhone XS និង​ XS Max បាន​ចាប់យក​​ចំណែក​ទីផ្សារ​ប្រមាណ​ 45% ច្រើន​ជាង​ iPhone 8 និង​ 8 Plus ដែល​ចេញលក់​មួយ​សប្តាហ៍​ដូច​គ្នា​​កាលពី​ឆ្នាំមុន​។

ការ​លក់​​ iPhone XS មាន​ដំណើរការ​ទៅ​មុខ​ ដោយសារ​អ្នក​ប្រើប្រាស់​ចង់​ឡើង​ស៊េរី​ចុងក្រោយ​របស់​ iPhone ជាមួយ​នឹង​ការ​ចំណាយ​តិចតួច​បន្ថែម​ ដើម្បី​ផ្លាស់ប្ដូរ​ ហើយ​ទទួល​បាន​បច្ចេកវិទ្យា​ចុងក្រោយ​របស់ Apple។ Flurry ជឿជាក់​ថា​ ការ​លក់​ដ៏​ល្អ​ខ្លាំង​របស់​ iPhone XS និង​ XS Max នឹង​បន្ត​ទៅ​មុខ​ពេញ​មួយ​រដូវ​កាល​។

អ្នកគាំទ្រ ក៏​ទន្ទឹង​រង់ចាំ​ការ​មក​ដល់ iPhone XR តម្លៃ​ធូរ​ថ្លៃ​ ដែល​នឹង​ចាប់ចិត្ត​អតិថិជន​ជាច្រើន​ ខណៈ​មាន​សមត្ថភាព​ និង​បទពិសោធន៍​ស្ទើរតែ​ដូច​នឹង​ iPhone XS និង​ XS Max៕

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ


ប្រភព៖ iPhoneHacks   ប្រែ​សម្រួល៖ ប៊ុនធឿន