Pogba យល់ថា ពាន Ballon d'Or គួរតែបានទៅកីឡាករបារាំងណាម្នាក់
- 2018-10-11 02:04:15
- ចំនួនមតិ 0 | ចំនួនចែករំលែក 0
Pogba យល់ថា ពាន Ballon d'Or គួរតែបានទៅកីឡាករបារាំងណាម្នាក់
ចន្លោះមិនឃើញ
ខ្សែបម្រើរបស់ Manchester United កីឡាករ Paul Pogba យល់ស្របថា ពាន Ballon d'Or គួរបានទៅកីឡាករណាម្នាក់ក្នុងជម្រើសជាតិបារាំង ព្រោះពួកគេបានជួយជាតិឈ្នះ World Cup នៅប្រទេសរុស្សីកាលពីរដូវក្ដៅ។
Pogba រកបានមួយគ្រាប់ ក្នុងការប្រកួតវគ្គផ្ដាច់ព្រ័ត្រ ជួយបារាំងឈ្នះ ក្រូអាត ៤-២។ ប៉ុន្តែ Antoine Griezmann ត្រូវបានគេចាត់ទុកជាកីឡាករសំខាន់នាំប្រយុទ្ធនៅតំបន់ខាងលើ ក្នុងជម្រើសជាតិបារាំងនាព្រឹត្តិការណ៍ World Cup។ ត្បិតតែយល់ឃើញមិត្តរួមក្រុមមានសមត្ថភាព តែ Pogba ខ្លួនឯងផ្ទាល់គិតថា គេមិនសមឈ្នះ Ballon d'Or ទេ។
“Griezmann, Kylian Mbappe, Raphael Varane ឬ N'Golo Kante ពួកគេទាំងអស់សមនឹងឈ្នះ Ballon d'Or ជាងខ្ញុំ។ សម្ដី Pogba ប្រាប់ទៅ AFP។ អតីតកីឡាកររបស់ Juventus រូបនេះក៏ស្ថិតក្នុងបញ្ជីឈ្មោះបេក្ខភាព៣០នាក់ ដើម្បីប្រជែងពាន Ballon d'Or ឆ្នាំនេះ ដែលត្រូវប្រកាសនៅថ្ងៃទី ៣ ខែ ធ្នូ ក្នុងទីក្រុងប៉ារីស៕