មិននឹកស្មាន នាង វ៉ាន់សាន់ ឆ្លងកាត់រឿងរ៉ាវលំបាកក្នុងជីវិតរាប់ភ្លេច មុនល្បីឈ្មោះដូចបច្ចុប្បន្ន

2018-10-11 07:47:05
ចំនួនមតិ 0 | ចំនួនចែករំលែក 0

ចន្លោះមិនឃើញ

មុនមានឈ្មោះជាពិធីករល្បីល្បាញនៅទូរទស្សន៍ហង្សមាសដូចបច្ចុប្បន្ននេះកំលោះសង្ហា នាង វ៉ាងសាន់ បានពុះពារតស៊ូជម្នះរាល់ឧបសគ្គមិនដែលរាថយម្ដងណាឡើយ ដើម្បីសម្រេចក្ដីបំណងដែលខ្លួនស្រឡាញ់តាំងពីកុមារភាព។

នាង វ៉ាងសាន់ ថា លោកបានចាកចេញពីស្រុកកំណើតចោលលោកឪពុកអ្នកម្ដាយ ព្រមទាំងសាច់ញាតិបងប្អូននៅឆ្នាំ ២០០៧ ដើម្បីមកដាក់ពាក្យប្រឡងក្នុងកម្មវិធីស្ពានតារា របស់ទូរទស្សន៍ប៉ុស្តិ៍លេខ៥។ តែគួរឲ្យស្ដាយលោក មិនបានទទួលជោគជ័យពីការប្រកួតនេះទេ ដោយសារតែមិនធ្លាប់មានបទពិសោធន៍ផ្នែកសិល្បៈនាពេលកន្លងមក។

ទោះបីជាមិនបានជោគជ័យក្ដី នាង វ៉ាងសាន់ មិនបានត្រឡប់ទៅស្រុកកំណើតវិញទេ ផ្ទុយទៅវិញលោក បែរជាយកភាពបរាជ័យលើកទី១មកធ្វើជាបទពិសោធន៍ ដើម្បីសម្រេចគោលដៅនៅថ្ងៃអនាគត។ ដោយលោកបានទៅចូលរៀនវគ្គបណ្ដុះបណ្ដាលផ្នែកសិល្បៈរយៈពេល ២ឆ្នាំនៅសាលាមួយក្នុងរាជធានីភ្នំពេញ។

ពេលវេលានៃការក្របយកចំណេះដឹងនូវជំនាញដែលខ្លួនស្រឡាញ់រយៈពេល២ ឆ្នាំនេះ នាង វ៉ាន់សាន់ បានឆ្លងកាត់នូវរឿងរ៉ាវមានពេលខ្លះលោក ត្រូវដើរស៊ីឈ្នួលបោកកម្រាលពូក នៅតាមសណ្ឋាគារ ផ្ទះសំណាក់ និងរត់តុតាមភោជនីយដ្ឋានមួយចំនួន។ ដើម្បីបានកម្រៃបន្តិចបន្តួចយកមកចិញ្ចឹមក្រពះនិង ផ្គត់ផ្គង់ការរៀនសូត្រជាដើម។

នាង វ៉ាងសាន់ ថា៖" បាទអូនបងតស៊ូច្រើនឆ្នាំណាស់ទម្រាំមានឡានជិះ ក្លាយជាពិធីករដូចសព្វថ្ងៃនេះ ហើយបងក៏មិននឹកស្មានថាមានថ្ងៃនេះដែរ ព្រោះយើងតស៊ូវាច្រើនឆ្នាំហើយក្នុងសិល្បៈ។ តែការតស៊ូមិនបានធ្វើឲ្យបងខកបំណងទេ នៅទីបំផុតហង្សមាស បានមើលឃើញសមត្ថភាពបង ក៏ជ្រើសរើសឲ្យធ្វើជាពិធីករប្រចាំប៉ុស្តិ៍តែម្ដងទៅ"។

កំលោះសង្ហា នាង វ៉ាងសាន់ មានស្រុកកំណើតមកពីខេត្តកំពង់ស្ពឺ មានបងប្អូន៧ នាក់។ រូបគេជាកូនទី៤ក្នុងគ្រួសារ ឯឪពុករបស់លោកបានទទួលមរណភាពបច្ចុប្បន្ននៅតែអ្នកម្ដាយទេ៕