គ្រូបង្វឹកកម្ពុជា និងទីម័រមានជំនឿចិត្តដូចគ្នាល្ងាចនេះ

2018-10-12 00:13:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិកម្ពុជា នឹងធ្វើការប្រកួតទល់ក្រុមទីម័រខាងកើតនាវេលាម៉ោង ៦:៣០ នាទីល្ងាចនេះ ក្នុងការប្រកួតមិត្តភាពអន្តរជាតិនៅពហុកីឡដ្ឋានជាតិជាតិ។ ជំនួបនេះគ្រូបង្វឹកទាំងពីរមានជំនឿចិត្តថា ក្រុមរបស់ខ្លួន នឹងធ្វើបានល្អដូចគ្នា។

លោក Felix Agustin Gonzalez Dalmas

លោក Felix Agustin Gonzalez Dalmas គ្រូបង្វឹករបស់កម្ពុជាបានឲ្យដឹងថា ពីរឬបីថ្ងៃនៃការចាប់ផ្ដើមហ្វឹកហាត់មុនដំបូង កូនក្រុមរបស់លោកហាក់ធ្វើមិនសូវបានល្អ។ ប៉ុន្តែក្រោយមកហាក់ធ្វើបានល្អមែនទែន ដែលនេះជាការបង្កើតក្ដីសង្ឃឹមមួយ ក្នុងការធ្វើបានល្អល្ងាចនេះ។

លោកយល់ថា ការប្រកួតនេះពិតជាសំខាន់សម្រាប់លោក ប៉ុន្តែលោកមិនផ្ដោតលើលទ្ធផលពេកទេ។ គ្រប់ការប្រកួតគឺតែងតែចង់ឈ្នះ ប៉ុន្តែលោកក៏គិតទៅដល់ការអភិវឌ្ឍកីឡាករផងដែរ។

លោក Tsukitate

ជាមួយគ្នានោះលោក Tsukitate គ្រូបង្វឹករបស់ទីម័រខាងកើតបានឲ្យដឹងដែរថា កូនក្រុមរបស់លោកមានការប្រកួតមមាញឹកខ្លាំងមួយរយៈចុងក្រោយនេះ ដែលចំណុចនេះគឺធ្វើឲ្យកូនក្រុមរបស់លោកទទួលបានបទពិសោធកាន់តែច្រើន។ លោកពិតជាសប្បាយចិត្ត ជាមួយការប្រកួតមួយនេះ ហើយលោកមានក្ដីរំពឹងថា កូនក្រុមរបស់លោក នឹងបង្ហាញឲ្យឃើញពីភាពលេចធ្លោរបស់ទីម័រនៅទីនេះ។