ស្តង់ដារ Wi-Fi 6 ជំនាន់ថ្មី ជិតចេញហើយ ចុះវាខ្លាំងយ៉ាងណាទៅ?
- 2018-10-12 02:33:20
- ចំនួនមតិ 0 | ចំនួនចែករំលែក 0
ស្តង់ដារ Wi-Fi 6 ជំនាន់ថ្មី ជិតចេញហើយ ចុះវាខ្លាំងយ៉ាងណាទៅ?
ចន្លោះមិនឃើញ
បច្ចេកវិទ្យា Wifi ជំនាន់បន្ទាប់ Wi-fi 6 នឹងចេញជារូបរាងលើឧបករណ៍ជាច្រើននៅឆ្នាំបន្ទាប់។ ចុះស្តង់ដារថ្មីនេះ ល្អយ៉ាងណាដែរ?
បច្ចេកវិទ្យា Wifi បានថមថយតម្លៃអាចបំពាក់ក្នុង Router សម្រាប់តម្រូវការតាមផ្ទះ។ Wifi Protocol ដំបូងលេចឡើងក្នុងឆ្នាំ ១៩៩៧ ផ្តល់ល្បឿន 2Mbit/s ហើយបន្តមកល្បឿន 11Mbit/s ក្នុងឆ្នាំ ១៩៩៩។
ស្តង់ដារ Wifi ត្រូវបានគ្រប់គ្រងដោយ IEEE (Institute of Electrical and Electronics Engineers។ IEEE 802 សំដៅលើស្តង់ដារ Local Area Network ហើយស្តង់ដារ 802.11 ផ្ដោតលើ Wireless LAN។ ការបង្ហាញវត្តមាន 802.11g ក្នុងឆ្នាំ ២០០៣ មានល្បឿន 54Mbit/s និង 802.11n ក្នុងឆ្នាំ ២០០៩ មានល្បឿន 600Mbit/s។ ហើយបន្ទាប់គឺ Router មានអង់តែនបួន (Dual-band) ជាមួយ Bands 2.4GHz និង 5GHz អាចផ្តល់ល្បឿនបានល្អប្រសើរ។
បច្ចុប្បន្នមានស្តង់ដារ 802.11ac ដែលមាន Band 5GHz អាចជំរុញល្បឿនបាន 1 300Mbit/s ហើយ Wi-Fi 6 កាន់តែលឿនជាងនេះទៀត។
ចំណុចសំខាន់នៃការផ្លាស់ប្ដូរ Wi-Fi 6 គឺឈ្មោះ ដែលងាយស្រួលដល់អ្នកប្រើប្រាស់សម្គាល់ ជារួម Wi-Fi 6 គឺ 802.11ax។ ហើយស្តង់ដារចាស់ៗ ក៏អាចនឹងកែប្រែឈ្មោះដែរ ដូចជាស្តង់ដារ 802.11ac ទៅជា Wi-Fi 5, ស្តង់ដារ 802.11n ទៅជា Wifi 4 និងបន្តបន្ទាប់ទៀត។
Wi-Fi 6 នឹងប្រើប្រាស់ថាមពលតិច (ចំណេញថវិកាថ្លៃអគ្គិសនី) និងប្រសិទ្ធភាពប្រើប្រាស់នៃរលកសញ្ញាក្នុងទីប្រជុំជនមានសក្ដានុពលល្អ។
បើអ្នកមានបញ្ហាជាមួយល្បឿន Download និង Upload បច្ចេកវិទ្យាបន្ទាប់ Wi-Fi 6 នេះអាចបំបាត់ភាពតានតឹងអារម្មណ៍បាន។ ប៉ុន្តែត្រូវរង់ចាំឆ្នាំក្រោយ ជាមួយនឹងបច្ចេកវិទ្យានេះ និងប្រភេទឧបករណ៍អាចប្រើបាន៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ