សាលី អ៊ូមើត៖ បច្ចេកទេសយើងមានហើយ ប៉ុន្តែចាញ់អាមេរិកត្រង់ម៉ូតូគេលឿនជាង

2018-10-12 07:11:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករឆ្នើម សាលី អ៊ូមើត ថាបើនិយាយពីបច្ចេកទេស និងតិចនិកប្រកួតគឺកម្ពុជាយើងមានហើយ ប៉ុន្តែការជើងខ្លាំងអាមេរិកលើកនេះ ដោយសារម៉ូតូរបស់ខ្លួនយឺតជាងគេ ព្រោះត្រៀមខ្លួនចូលរួមមានពេលខ្លីពេក។

ទិដ្ឋភាពមកដល់ព្រឹកមិញ

សាលី អ៊ូមើត ប្រាប់ដឹងថា មូលហេតុមួយចំនួនដែលខ្លួនមិនអាចឈ្នះមេដាយមាស ឬជាប់លេខ១ដូចកាលប៉ុន្មានឆ្នាំមុននេះ ទី១ គឺខកខានចូលរួមកម្មវិធីនេះ ៣-៤ឆ្នាំហើយ ដោយសារតែមានរបួស ទី២ បានត្រៀមខ្លួន និងហ្វឹកហាត់រយៈពេលខ្លីមែនទែន និងទី៣នោះ គឺឥលូវមានច្បាប់ថ្មីអាចកែច្នៃម៉ូតូប្រណាំងរបស់ខ្លួនបន្ថែមទៀតដើម្បីយកទៅប្រកួតកម្មវិធី Blowsion World Fingal 2018 នេះ។ ចំណុចកែច្នៃនេះដែរ គឺខុសពីជំនាន់ដែលខ្លួនធ្លាប់ចូលរួមពីមុនមក ជាហេតុធ្វើឲ្យម៉ូតូរបស់កម្ពុជាយឺតជាម៉ូតូរបស់កីឡាករអាមេរិកដែលជាប់លេខ១។

កីឡាករ សាលី អ៊ូមើត

កីឡាករឆ្នើមរបស់កម្ពុជារូបនេះបន្ថែមថា បើទោះជាលើកនេះវាខុសទៅនិងគោលបំណងរបស់ខ្លួនដែលចង់បានមេដាយមាសជូនកម្ពុជានោះ ប៉ុន្តែនៅឱកាសក្រោយៗទៀតនឹងខំប្រឹងប្រែងធ្វើឲ្យបានល្អជាងនេះទៅទៀត។

ទិដ្ឋភាពមកដល់ព្រឹកមិញ

បញ្ជាក់ដែរថា កីឡាករ សាលី អ៊ូមើត ទើបតែវិលមកដល់កម្ពុជាវិញនៅព្រឹកមិញនេះទេ បន្ទាប់ពីចំណាយពេលច្រើនពេលច្រើនថ្ងៃកន្លងមកនៅលើទឹកដីសហរដ្ឋអាមេរិកកន្លងទៅនេះ។ ជើងខ្លាំងលើប្រភេទវិញ្ញាសា Ski Modified រូបនេះទើបឈ្នះមេដាយប្រាក់ក្នុងកម្មវិធីប្រណាំងម៉ូតូទឹកពិភពលោក Blowsion World Fingal ដែលបញ្ចប់ទៅកាលពីថ្ងៃទី៧ ខែតុលា ឆ្នាំ២០១៨៕

អត្ថបទ៖ នួន ស៊ីណា