Justin នៅតែបង្ហាញអាការៈពិបាកចិត្តក្រោយ Selena ចូលមន្ទីរពេទ្យ

2018-10-13 03:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ១២ខែតុលាម្សិលមិញនេះ គេសង្កេតឃើញតារាចម្រៀង Justin Bieber បណ្ដើរគ្នាជាមួយ Hailey នៅទីក្រុង Los Angeles សហរដ្ឋអាមេរិក ដោយបង្ហាញទឹកមុខហាក់ដូចជាក្រៀមក្រំនិងពិបាកចិត្តខ្លាំង។ Justin បានបង្ហាញខ្លួននៅខាងក្រៅ ជាមួយអាការៈបែបនេះតាំងពីព័ត៌មាន Selena មានបញ្ហាជម្ងឺផ្លូវចិត្តរើឡើងរហូតដល់ថ្នាក់ចូលមន្ទីរពេទ្យសង្គ្រោះបន្ទាន់។

អ្វីដែលគួរឲ្យចាប់អារម្មណ៍បំផុតនោះគឺ Justin មើលទៅដូចជាមិនបានកក់សក់ឬសិតសក់អ្វីទាំងអស់។ បើយោងទៅតាមសារព័ត៌មាន Page Six បានឲ្យដឹងថា មិត្តភក្តិរបស់ Justin ក៏មានអារម្មណ៍ព្រួយបារម្ភចំពោះតារារូបនេះផងដែរ ដោយព្រមទាំងនិយាយថា ម្ចាស់បទ "Sorry” រូបនេះប្រហែលក៏ត្រូវការការប្រឹក្សាពីអារម្មណ៍ផ្លូវចិត្តដូចគ្នា។

ទោះជាយ៉ាងណាក៏ដោយ អាការៈរបស់ Justin គឺពិតជាគួរឲ្យព្រួយបារម្ភព្រោះ លោកមិនបានត្រៀមថតបទចម្រៀងថ្មីៗ ហើយបង្ហាញខ្លួននៅទីសាធារណៈលើកណា ក៏មិនដែលតែងខ្លួនមើលទៅធម្មតាដូចមុន ដូច្នេះហើយទើបមានមនុស្សជាច្រើននៅតែព្រួយបារម្ភពីតារារូបនេះ៕