ន័រវែស បង្ហាញផែនការ សម្អាតកាកសំណល់ចេញពីមហាសមុទ្រ
- 2018-10-13 05:58:53
- ចំនួនមតិ 0 | ចំនួនចែករំលែក 0
ន័រវែស បង្ហាញផែនការ សម្អាតកាកសំណល់ចេញពីមហាសមុទ្រ
ចន្លោះមិនឃើញ
ប្រទេសន័រវែសមានផែនការបរិស្ថានដ៏អស្ចារ្យមួយ ក្នុងការលុបបំបាត់កាកសំណល់ចេញពីមហាសមុទ្ររបស់ពួកគេ។
លោកស្រី Erna Solberg នាយករដ្ឋមន្ត្រីន័រវែស បានប្រកាសផែនការមួយដែលមានរយៈពេលសរុប ៤ ឆ្នាំ ហើយនឹងត្រូវចំណាយលុយរហូតដល់ទៅ ២០០ លានដុល្លារ។
ឥឡូវនេះ ប្រទេសន័រវែស បានចាប់ដៃគ្នាជាមួយធនាគារពិភពលោក ជាមួយនឹងមូលនិធិមួយឈ្មោះថា «PROBLUE» ដែលនឹងត្រូវប្រើប្រាស់ដើម្បីកាត់បន្ថយកាកសំណល់នៅក្នុងមហាសមុទ្រ។
យោងតាមប្រភពព័ត៌មាន បានឲ្យដឹងថា ប្រទេសន័រវែស ក៏កំពុងតែចង់សាកល្បង និងបង្កើតប្រព័ន្ធគ្រប់គ្រងកាកសំណល់ ដែលអាចរួមបញ្ចូលទាំងការបង្កើតកន្លែងចាក់សំរាម ឬប្រព័ន្ធប្រមូលសំរាមសមរម្យ និងអាចទុកចិត្តបាន។ ការអនុវត្តទាំងនេះ នឹងក្លាយជាដំណោះស្រាយរយៈពេលវែង ដែលមានសារៈសំខាន់បំផុតមួយ ដោយសារតែប្រទេសនេះមិនទាន់មានប្រព័ន្ធប្រកបដោយប្រសិទ្ធភាពនៅឡើយទេ។
ទោះបីជាយ៉ាងណា នេះមិនមែនជារឿងតែមួយគត់នោះទេ ដែលប្រទេសន័រវែសកំពុងធ្វើ ដើម្បីព្យាយាមដោះស្រាយលើបញ្ហាកាកសំណល់ក្នុងមហាសមុទ្រ។ ពួកគេក៏ធ្វើការលើគម្រោងមួយហៅថា «Trash Project» ដែលរដ្ឋាភិបាលនឹងបង់ប្រាក់ឲ្យពលរដ្ឋរបស់ខ្លួនដើម្បីរើសសំរាម៕
ចុចអាន៖