ថៃចាប់ខ្លួនជនជាតិវៀតណាម ២នាក់ ក្រោយរកឃើញសាច់ និងឆ្អឹងខ្លាក្នុងកាតាប
- 2018-10-15 06:48:22
- ចំនួនមតិ 0 | ចំនួនចែករំលែក 0
ថៃចាប់ខ្លួនជនជាតិវៀតណាម ២នាក់ ក្រោយរកឃើញសាច់ និងឆ្អឹងខ្លាក្នុងកាតាប
ចន្លោះមិនឃើញ
អាជ្ញាធរថៃ បានចាប់ខ្លួនជនជាតិវៀតណាមពីរនាក់ក្រោយព្យាយាមយកឆ្អឹង និងសាច់ខ្លាឆ្លងដែនខុសច្បាប់ចូលក្នុងប្រទេសវៀតណាមតាមរយៈឡានក្រុង។
យោងតាមមន្ត្រីឲ្យដឹងថា ជនជាតិវៀតណាមទាំងពីរនាក់បានទិញសាច់ខ្លាក្នុងតម្លៃ ៩០០ដុល្លារក្នុងខេត្ត Tak ជិតព្រំប្រទល់មីយ៉ាន់ម៉ា ហើយមានបំណងនាំចូលទៅលក់ក្នុងប្រទេសរបស់ខ្លួន។ ប៉ុន្តែប៉ូលិស បានឃើញកាតាបដ៏ធំរបស់ពួកគេរួចធ្វើការឆែកឆេររកឃើញឆ្អឹង និងសាច់ខ្លា ហើយឃាត់ខ្លួនកាលពីថ្ងៃពុធក្នុងខេត្ត Phitanulok តែម្ដង។ ជនល្មើសទាំងពីរ ត្រូវបានគេស្គាល់ថាម្នាក់ឈ្មោះ Le Binh អាយុ ៤០ឆ្នាំ និងម្នាក់ទៀតឈ្មោះ Nguyeng Van Tung អាយុ២៩ឆ្នាំ។ ពួកគេត្រូវបានចោទប្រកាន់ពីបទរក្សាទុកប្រភេទសត្វអភិរក្ស ហើយប្រឈមមុខនឹងការជាប់ពន្ធធនាគាររហូតដល់ ៤ឆ្នាំ ឬពិន័យជាប្រាក់ ៤ម៉ឺនបាត (ជាង ១២០០ ដុល្លារ)។
គួរឲ្យដឹងថា ក្នុងប្រទេសវៀតណាម ឆ្អឹងសត្វខ្លាត្រូវបានគេពេញនិយមបំផុតសម្រាប់រម្ងាស់ធ្វើថ្នាំបុរាណ ហើយសម្រាប់ធ្មេញ, ក្រចក និងស្បែក ត្រូវបានគេយកទៅច្នៃជាគ្រឿងលំអ និងគ្រឿងអលង្ការជាដើម៕
ចុចអាន ៖
នារីថៃរាំញាក់ក្រលែងចង្កេះ មុខមឆ្ឆាដុតខ្មោចមិត្តភ័ក្តិ ដើម្បីឧទ្ទិសឲ្យបានឡើងឋានសួគ៌ (មានវីដេអូ)
ពន្ធនាគារថៃ ៥ កន្លែង អនុញ្ញាតឲ្យអ្នកទោស និងសាច់ញាតិ ឆ្លើយឆ្លងតាម Video Call