អ៊ីរ៉ង់ ព្រមានចំៗថានឹងបាញ់កម្ទេចកប៉ាល់អាមេរិក ប្រសិនរឿងមួយកើតឡើង

2018-10-17 03:28:41
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាភិបាលអ៊ីរ៉ង់ បានអះអាងពីសមត្ថភាពមីស៊ីលផ្លោងរបស់ខ្លួន និងព្រមានថាអាចបាញ់កម្ទេចកប៉ាល់ណាមួយក៏បានក្នុងរយៈចម្ងាយជាង ៧០០ គីឡូម៉ែត្រ។

សាធារណរដ្ឋអ៊ីស្លាមមួយនេះ បានអះអាងថាអាវុធរបស់ខ្លួន គឺប្រើប្រាស់សម្រាប់ការការពារខ្លួនប៉ុណ្ណោះ ប៉ុន្តែការប្រកាសដូចនេះត្រូវបានធ្វើឡើងខណៈពេលកំពុងមានភាពតានតឹងជាមួយអាមេរិកពីកម្មវិធីនុយក្លេអ៊ែររបស់ខ្លួន។ លើសពីនេះទៀត អ៊ីរ៉ង់បានព្រមានថានឹងបាញ់កម្ទេចកប៉ាល់អាមេរិកដែលដឹកជញ្ជូនប្រេងឆ្លងកាត់ច្រកសមុទ្រ Hormuz ប្រសិនបើអាមេរិកព្យាយាមរារាំងការនាំចេញប្រេងរបស់អ៊ីរ៉ង់។ យោងតាមប្រធានបដិវត្តលំហអាកាសអ៊ីរ៉ង់ លោក Amirali Hajizadeh ឲ្យដឹងថា ប្រទេសរបស់លោកបានចំណាយពេលជាច្រើនទសវត្សដើម្បីអភិវឌ្ឍមីស៊ីលកម្ទេចកប៉ាល់សម្រាប់ទប់ទល់នឹងអាមេរិក។ ប្រភពដដែលបន្ដទៀតថា "យើងបានព្យាយាមបង្កើតមីស៊ីលផ្លោងដែលអាចបាញ់កប៉ាល់ ឬនាវាទាំងអស់ក្នុងចម្ងាយ ៧០០គីឡូម៉ែត្រ។"

គួរឲ្យដឹងថា ការព្រមានរបស់រដ្ឋាភិបាលក្រុង Tehran ដូច្នេះ ធ្វើឡើងក្រោយពេលដែលប្រធានាធិបតីអាមេរិក បានដកខ្លួនចេញពីកិច្ចព្រមព្រៀងកម្មវិធីនុយក្លេអ៊ែរអន្ដរជាតិជាមួយអ៊ីរ៉ង់ និងថែមទាំងដាក់ទណ្ឌកម្មមកលើប្រទេសនេះកាលពីដើមឆ្នាំទៀតផង៕