វិបសាយរឿងកូរ៉េដ៏ល្បី DramaFever ត្រូវបិទចោលជាស្ថាពរ ដោយសារហេតុផលនេះ
- 2018-10-17 04:03:00
- ចំនួនមតិ 0 | ចំនួនចែករំលែក 0
វិបសាយរឿងកូរ៉េដ៏ល្បី DramaFever ត្រូវបិទចោលជាស្ថាពរ ដោយសារហេតុផលនេះ
ចន្លោះមិនឃើញ
វិបសាយភាពយន្តកូរ៉េ DramaFever ដែលជាវិបសាយគ្រប់គ្រងដោយក្រុមហ៊ុន Warner Bros ត្រូវបានសម្រេចបិទចោលជាស្ថាពរ។
កាលពីថ្ងៃអង្គារ ទី១៦ ខែតុលា ក្រុមហ៊ុនបានប្រកាសថាកន្លែងដែលផ្ដល់ជូននូវភាពយន្តកូរ៉េល្បីៗ និងកម្មវិធីកម្សាន្តរបស់អាស៊ីមួយនេះ នឹងបញ្ឈប់ដំណើរការតទៅមុខទៀតហើយ ដោយសារមូលហេតុទាក់ទងនឹងជំនួញផ្ទៃក្នុង។
វិបសាយ DramaFever បានបិទចោលជាស្ថាពរ បន្ទាប់ពីនៅបម្រើអារម្មណ៍អ្នកនិយមតាមដានរឿងកូរ៉េជាច្រើន ដោយផ្ដល់ជូននូវភាពយន្តកូរ៉េ ចិន និងជប៉ុនល្បីៗអស់រយៈពេលជាង ៩ឆ្នាំ។ ជាការប៉ាន់ស្មាន វិបសាយមួយនេះមានអ្នកចូលមើលសរុប ដល់ទៅជាង ២០លាននាក់ឯណោះ។
កម្មវិធីទូរទស្សន៍ ភាពយន្តភាគ និងភាពយន្តខ្នាតធំជាច្រើនត្រូវបានបកប្រែមកជាភាសាអង់គ្លេស អេស្ប៉ាញ និងប័រទុយហ្កាល់ ដើម្បីផ្ដល់នូវភាពងាយស្រួលដល់អ្នកទស្សនាបរទេសមកពីជុំវិញពិភពលោក៕