Avril Lavigne ដេកឈឺលើគ្រែ២ឆ្នាំទម្រាំបានមកច្រៀងវិញ

2018-10-20 04:57:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីចំណាយពេលជាច្រើនឆ្នាំព្យាបាលជំងឺ Lyme Disease ដែលជាជំងឺស្បែកភាគច្រើនកើតឡើងទៅលើស្រ្ដី ពេលនេះ Avril Lavigne ទើបតែត្រលប់មកកាន់វិស័យសិល្បៈវិញ ជាមួយនឹងបទចម្រៀងថ្មី។ នៅក្នុងកិច្ចសម្ភាសន៍មួយជាមួយទស្សនាវដ្ដី Billboard តារាវ័យ៣៤ឆ្នាំរូបនេះ បានបញ្ជាក់ថាខ្លួនបានដេកឈឺលើគ្រែអស់រយៈពេលដល់ទៅ២ឆ្នាំមិនអាចធ្វើអ្វីបានទាំងអស់។

Avril និយាយថា "ខ្ញុំបានដេកឈឺលើគ្រែអស់រយៈពេល២ឆ្នាំ។" បន្ទាប់ការប្រគំតន្ដ្រីកាលពីឆ្នាំ ២០១៤ តារារូបនេះចាប់ផ្ដើមមានអាការៈឈឺ និងអស់កម្លាំងមិនអាចក្រោកឡើងពីលើគ្រែបាន។ ក្រោយមកទើបនាងដឹងថា ខ្លួនមានជំងឺ Lyme Disease។

ម្ចាស់បទ "When I'm Gone” រូបនេះបានប្រើប្រាស់ថ្នាំជាច្រើន ទម្រាំតែនាងជាសះស្បើយ ហើយវាគឺជាពេលមួយដែលពិបាកខ្លាំងសម្រាប់នាង។ ក្នុងពេលដែលនាងកំពុងតែឈឺ នាងក៏បានសរសេរបទ "Head Above Water” ដែលបរិយាយពីពេលដែលនាងពិបាកខ្លាំង ហើយមានអារម្មណ៍ថាព្រះបានជួយនាងឲ្យគិតល្អៗឡើងវិញ និងមានសង្ឃឹមក្នុងការជម្នះជំងឺដ៏សាហាវនេះ។

មិនត្រឹមតែប៉ុណ្ណោះ Avril ក៏បាននិយាយអំពីអតីតស្វាមីរបស់នាងផងដែរ ដោយអ្នកទាំងពីរនៅតែទាក់ទងនិងធ្វើការជាមួយគ្នា។ អតីតស្វាមីនាងតារាចម្រៀងរ៉ុក Chad Kroeger ក៏ជាអ្នកផលិតបទចម្រៀង "Head Above Water” ផងដែរ៕