ដ្រូ​ន​ពិឃាត​របស់​ចិន​អាច​បំបាំងកាយ​ និង​បាញ់​កាំជ្រួច​ឡា​ហ្សែដល់ ៤០ គីឡូម៉ែត្រ

  • 2018-10-21 06:16:34
  • ចំនួនមតិ 0 | ចំនួនចែករំលែក 0

ចន្លោះមិនឃើញ

យន្តហោះគ្មានមនុស្សបើក(ដ្រូន) អាចគេចចេញពីរ៉ាដា Wing Loong II បានបំផ្លាញគោលដៅដោយជោគជ័យជាមួយនឹងកាំជ្រួចបញ្ជានាំផ្លូវដោយកម្មរស្មីឡាហ្សែររបស់វាក្នុងអំឡុងសមយុទ្ធហ្វឹកហាត់មួយនៅវាលខ្សាច់ ហ្គោប៊ី ,នេះបើតាមការចុះផ្សាយរបស់សារព័ត៌មានចិន People’s Daily។

ជាដ្រូនប្រយុទ្ធជំនាន់ថ្មីរបស់ចិន Wing Loong II មានល្បឿន៣៧០គ.ម/ម និងអាចឡើងដល់កម្ពស់ ៩ ០០០ ម៉ែត្រ។វាត្រូវបានប្រព័ន្ធផ្សព្វផ្សាយចិនចាត់ទុកជាដ្រូនដែលអាចតតាំងជាមួយដ្រូន MQ-9 Reaper ដែលជាយន្តហោះគ្មានមនុស្សបើកគួរអោយខ្លាចបំផុតរបស់កងទ័ពអាកាសអាមេរិក។

ត្រូវបានបញ្ចេញដំបូងនៅខែកញ្ញាឆ្នាំមុន Wing Loong II ត្រូវផលិតឡើងដោយសារជីវកម្មឧស្សាហកម្មអាកាសចរណ៍ចិន និងអាចលក់ទៅអោយអ្នកទិញបរទេស។ វាមានប្រវែង ១១ ម៉ែត្រ អាចដាក់គ្រាប់ ១៤ ដើមទម្ងន់ ៥០០ គីឡូក្រាមនិងហោះបាន ២០ ម៉ោងដោយមិនបាច់ចាក់សាំងជាថ្មី ។ ដើរដោយម៉ាស៊ីនកង្ហារ វាអាចបំពេញបេសកកម្មសង្កេតការណ៍ និងប្រយុទ្ធ។

ប្រធានរចនាយន្តហោះនេះ លោកលី គីដុង បានប្រាប់ទីភ្នាក់ងារសារព័ត៌មានស៊ិនហួរថា Wing Loong I Iអាចជ្រើសយកកន្លែងចុះដោយស្វ័យប្រវត្តិនិងចុះចតគ្រាអាសន្ននៅក្រោមកាលៈទេសៈមិនរំពឹងទុកជាមុន។

Wing Loong II ជំនាន់ថ្មីត្រូវបានបំពាក់ដោយកាំជ្រួចបញ្ជានាំផ្លូវដោយកម្មរស្មីឡាហ្សែរ AG-300 ដែលអាចវាយប្រហារគោលដៅពីចម្ងាយ ៣០ ទៅ ៤០ គីឡូម៉ែត្រ។

ល្បឿនរបស់វា ៣៧០ គីឡូម៉ែត្រក្នុងមួយម៉ោង មានន័យថាវាជាយន្តហោះប្រយុទ្ធគ្មានមនុស្សបើកលឿនបំផុតនៅចិន។ យន្តហោះប្រភេទនេះលឿនបំផុតនៅពេលបច្ចុប្បន្នគឺដ្រូន MQ-9 Reaper របស់អាមេរិកដែលហោះបាន ៤៨០ គីឡូម៉ែត្រក្នុងមួយម៉ោង។ ទោះជាយ៉ាងណារបាយការណ៍មួយនៅឆ្នាំនេះបាននិយាយថាចិនបានអភិវឌ្ឍយន្តហោះគ្មានមនុស្សបើកលឿនជាងសម្លេងឈ្មោះ Dark Sword។

MQ-9 Reaper

Dark Sword ត្រូវបានអះអាងថាអាចហោះក្នុងល្បឿន ១ ១៩០ គីឡូម៉ែត្រក្នុងមួយម៉ោង ជាល្បឿនដែលពុំធ្លាប់មានសំរាប់យន្តហោះគ្មានមនុស្សបើកយោធា។

កាលពីឆ្នាំមុន ចិនបានចាប់ផ្តើមផលិតទ្រង់ទ្រាយធំ ដ្រូនទម្លាក់គ្រាប់ធុន CH-5 ។ យន្តហោះនេះអាចដាក់គ្រាប់កាំជ្រួច ១៦ ដើមនិងហោះបានដល់ទៅ ៦០ ម៉ោងដោយគ្មានចាក់សាំងបន្ថែម ជាមួយនឹងចម្ងាយហោះ ១០ ០០០ គីឡូម៉ែត្រ៕

ប្រភព ៖ www.rasmeinews.com

អត្ថបទពេញនិយម