ប្រកួតបើកឆាក អ្នកចាត់ការកម្ពុជា ជាប់ឈ្មោះនៅ Team of the Week ទៀត

2018-10-22 08:05:14
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការជម្រើសជាតិកម្ពុជា Keisuke Honda ដែលកំពុងប្រកបអាជីពនៅលីគអូស្ត្រាលី បានជាប់ឈ្មោះក្នុងបញ្ជីក្រុមល្អប្រចាំសប្ដាហ៍ បើទោះជាក្រុម Melbourne Victory មិនឈ្នះប្រកួតបើកឆាកក៏ដោយ។

Honda បានបង្ហាញខ្លួន៩០នាទីពេញតែម្ដង ឱ្យក្រុមថ្មីរបស់ខ្លួន Melbourne Victory ក្នុងការប្រកួតបើកឆាកលីគអូស្ត្រាលីរដូវកាលថ្មី។ ក្នុងការបង្ហាញខ្លួននោះដែរ លោករកគ្រាប់បាល់បាន១គ្រាប់ដែរ ប៉ុន្តែមិនអាចជួយក្រុមឱ្យឈ្នះក្រុម Melbourne City ពោលគឺចាញ់ក្នុងលទ្ធផល ២-១។ ត្បិតតែយ៉ាងនេះក្ដី ទម្រង់លេងដ៏ល្អរបស់កីឡាករជប៉ុនរូបនេះធ្វើឱ្យអ្នកគាំទ្រសប្បាយចិត្តមែនទែន ហើយជាប់ឈ្មោះជា Team of The Week ថែមទៀតផង។

កីឡាករវ័យ៣២ឆ្នាំ បានសម្រេចចិត្តផ្លាស់មកលេងនៅអូស្ត្រាលីនេះ ក្រោយពីខ្លួនប្រកាសចូលនិវត្តពីជម្រើសជាតិជប៉ុន។ ក្រោយពីចុះកុងត្រាជាមួយក្លឹប Melbourne Victory បាន១សប្ដាហ៍ លោកក៏បានតំណែងមួយទៀតនៅក្រុមជម្រើសជាតិកម្ពុជា ដោយក្លាយជាអ្នកចាត់ការទូទៅប្រចាំក្រុមនេះតែម្ដង។ យ៉ាងណាមិញ ក្នុងនាមជាអ្នកចាត់ការនេះ លោកបានដឹកនាំក្រុមបាន១ប្រកួតដែរ កាលប៉ះម៉ាឡេស៊ី ប៉ុន្តែមិត្តភាព២ប្រកួតចុងក្រោយទល់ទីម័រ និងសិង្ហបុរី លោកមិនបានមកដឹកនាំទេ៕

អត្ថបទ៖ មុន្នីរម្យ