អ្នកគាំទ្រភ្ញាក់ផ្អើល ក្រោយ T.O.P បង្ហោះវីដេអូមួយលើ Instagram តែបែរជាលុបវិញភ្លាម
- 2018-10-22 08:50:00
- ចំនួនមតិ 0 | ចំនួនចែករំលែក 0
អ្នកគាំទ្រភ្ញាក់ផ្អើល ក្រោយ T.O.P បង្ហោះវីដេអូមួយលើ Instagram តែបែរជាលុបវិញភ្លាម
ចន្លោះមិនឃើញ
អ្នកគាំទ្រមានការភ្ញាក់ផ្អើល និងរំភើបជាខ្លាំង ខណៈបានឃើញសមាជិកក្រុម BIG BANG តារាចម្រៀង T.O.P បង្ហោះវីដេអូមួយលើគណនី Instagram របស់លោកជាលើកដំបូង ក្រោយបាត់មុខអស់រយៈពេលយូរកន្លងមកនេះ។
នៅរសៀលថ្ងៃទី ២១ ខែតុលា តារាចម្រៀង T.O.P បានបង្ហោះឃ្លីបវីដេអូមួយលើ Story របស់គណនី Instagram របស់លោក។ ក្នុងវីដេអូមួយនោះ អ្នកគាំទ្រអាចឮសំឡេងតារាចម្រៀងរូបនេះ រៀបរាប់ពីមុខម្ហូបដែលលោកបានកុម្ម៉ង់ពីភោជនីយដ្ឋានជប៉ុនមួយកន្លែងក្នុងទីក្រុង Seoul ដែលមានឈ្មោះថា Ariaka។ ទោះជាយ៉ាងណាក៏ដោយ វីដេអូមួយនោះ ក៏ត្រូវបានលោកលុបចោលភ្លាមៗផងដែរ ក្រោយបង្ហោះមិនទាន់បានប៉ុន្មានផងនោះ។
សមាជិកក្រុម BIG BANG តារាចម្រៀង T.O.P បានផ្អាកការលេងបណ្ដាញសង្គមរបស់លោក មួយរយៈធំមកហើយ ខណៈលោកកំពុងជាប់បំពេញភារកិច្ចក្នុងជួរកងទ័ព។ ទោះជាយ៉ាងនេះក្ដី អ្នកគាំទ្រក៏អាចឃើញលោកលើបណ្ដាញសង្គម ម្ដងម្កាលផងដែរ នៅពេលលោកឆ្លៀតពេលបន្តិចបន្តួចបែបនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
