គន្លឹខ្លះៗ ទំនងជាអាចជួយទប់ស្កាត់កូនៗពីការញៀននឹងទូរសព្ទដៃឬ iPadបាន
- 2018-10-30 07:53:38
- ចំនួនមតិ 0 | ចំនួនចែករំលែក 0
គន្លឹខ្លះៗ ទំនងជាអាចជួយទប់ស្កាត់កូនៗពីការញៀននឹងទូរសព្ទដៃឬ iPadបាន
ចន្លោះមិនឃើញ
សម័យបច្ចេកវិទ្យាជឿនលឿនបូករួមជាមួយនឹងតម្លៃទូរសព្ទទំនើបៗ(Smart Phone)ធូរថ្លៃទៅតាមប្រភេទខ្លះផងនោះឱពុកម្តាយមួយចំនួនបានទិញទូរសព្ទឲ្យកូនៗរបស់ខ្លួនប្រើទាំងកំពុងរៀននៅថ្នាក់បឋមសិក្សា ឬខ្លះទៀតឲ្យកូនតូចៗរបស់ខ្លួនលេងក៏មាន។
ការសិក្សាមួយចំនួនបានលើកឡើងថាមានកុមារជាច្រើនបានញៀនទៅនឹងទូរសព្ទ ចូលចិត្តនៅសម្ងំក្នុងបន្ទប់ម្នាក់ឯងលេងទូរសព្ទ និងមានពេលខ្លះសម្តែងនូវការវិការមិនសមរម្យពេលឱពុកម្តាយដកទូរសព្ទជាដើម។ អ្វីទាំងនេះអ្នកជំនាញថាកុមារញៀននឹងទូរសព្ទហើយ។
ក្រុមហ៊ុនឯកជនមួយឈ្មោះថា Influence Central បាន ធ្វើការសិក្សាមួយនៅឆ្នាំ២០១៦ បន្តលើកិច្ចការដែលធ្វើឡើងម្តងរួចមកហើយនៅឆ្នាំ២០១២ ដោយបានរកឃើញថាកុមារភាគច្រើនប្រើទូរសព្ទផ្ទាល់ខ្លួនដំបូងនៅអាយុ១០,៣ឆ្នាំ និងកុមារនៅវ័យ១២ឆ្នាំចំនួន៥០ភាគរយមានប្រើបណ្តាញសង្គម។
តើឱពុកម្តាយត្រូវធ្វើអ្វីខ្លះដើម្បីទប់ស្កាត់កូនកុំឲ្យញៀននឹងទូរសព្ទ((Smart Phone)?
ដើម្បីទប់ស្កាត់ការញៀនទូរសព្ទរបស់កុមារអង្គការធ្វើការលើសុខភាពកុមារខ្លះណែនាំឲ្យម្តាយឱពុកចេះប្រើប្រាស់ភាសាក្នុងការហាមឃាត់កូនក្នុងការប្រើប្រាស់ទូរសព្ទ ចំណាយពេលនៅជាមួយកូនៗ និងធ្វើជាគំរូដល់កូនៗ។
អង្គការបរទេសមួយមានឈ្មោះថា Child in The City បានចុះផ្សាយថាបច្ចេកវិទ្យាពិតជាមានប្រយោជន៍សម្រាប់បម្រើការប្រចាំថ្ងៃរបស់មនុស្សជាតិ ប៉ុន្តែថាពេលខ្លះក៏នាំមកនូវផលអាក្រក់ផងដែរ។
ចុចអាន បើមិនចង់ឲ្យកូនៗខ្សោយទំនាក់ទំនង ឬមិនងាយចេះនិយាយ ត្រូវបញ្ឈប់់រឿងនេះជាបន្ទាន់
អង្គការដដែលបានផ្តល់ជាគំនិតថាឱពុកម្តាយមិនគួរនិយាយដោយដំឡើងសំឡេងនូវពាក្យថា «ទេ» នៅពេលកូនតូចរបស់ខ្លួនទារទូសព្ទដើម្បីលេងនោះទេ ដែលនាំឲ្យកូនមានអារម្មណ៍មិនល្អ។ ផ្ទុយមកវិញឱពុកម្តាយគួរនិយាយដោយពាក្យសម្តីបដិសេធបែបផ្អែមល្ហែម និងពន្យល់ពីហេតុផលវិញ។
ប្រភពដដែលបន្តថាក្នុងក្រុមគ្រួសារក៏គួរដាក់វិធានការណ៍មួយចំនួនដូចជាមិនឲ្យប្រើទូរសព្ទពេលជុំគ្នាទទួលទានហារអារ បិទទូសព្ទមុនចូលគេង និងមិនឲ្យប្រើទូរសព្ទបើមិនបញ្ចប់កិច្ចការសាលាជាដើម។
អង្គការខាងលើឲ្យដឹងទៀតថាកុមារបច្ចុប្បន្នចូលចិត្តនៅក្នុងបន្ទប់មើលទូរសព្ទ ឬអង្គុយមើលទូរសព្ទ ហើយដើម្បីទប់ស្កាត់រឿងទាំងនេះឱពុកម្តាយត្រូវឧស្សាហ៍នាំកូនដើរលេងក្រៅផ្ទះ និងធ្វើជាគំរូរបស់កូនដោយប្រើឬលេងទូរសព្ទ។
បើដូច្នេះតើកុមារអាយុប៉ុន្មានទើបសមនឹងប្រើទូរសព្ទទំនើប(Smart Phone)បាន?
សម្រាប់វិទ្យាស្ថានបរទេសមួយទៀតមានឈ្មោះថា Child Mind ពន្យល់ថាការប្រើប្រាស់ទូរសព្ទSmart Phone មិនអាស្រ័យលើអាយុរបស់កុមារនោះទេ តែអាស្រ័យលើភាពចាស់ទុំ និងការយល់ដឹងរបស់កុមារក្នុងប្រើប្រាស់ឧបករណ៍នេះបានត្រឹមត្រូវកម្រិតណាតែប៉ុណ្ណោះ។
ប្រភពដដែលបន្តថាអ្នកខ្លះឲ្យកូនប្រើទូរសព្ទនៅអាយុ១៤ ឆ្នាំហើយអ្នកខ្លះក៏ឲ្យកូនប្រើនៅអាយុ១២ឆ្នាំ អាស្រ័យលើភាពចាស់ទុំរបស់កូន។
ការចុះផ្សាយមួយរបស់ The Mirror ដោយបានសម្ភាសន៍ជាមួយស្ថាបនិក Microsoft លោក Bill Gates និងបានសួរលោកថាតើកូនៗរបស់លោកបានប្រើ ទូរសព្ទផ្ទាល់ខ្លួននៅអាយុប៉ុន្មាន? លោក Bill Gates ថាលោកមិនបានឲ្យកូនលោកប្រើទូរសព្ទផ្ទាល់ខ្លួនមុនអ្នកទាំងនោះមានអាយុ១៤ឆ្នាំនោះទេ៕
ចុចអាន ផលប៉ះពាល់ ៤យ៉ាង អ្នកញៀនទូរសព្ទដឹងហើយ តែឈប់មិនបាន