ពេលរថភ្លើងបន្លឺសញ្ញាជិតមកដល់ តើអ្នកបើកបរយានផ្សេងឆ្លងកាត់ត្រូវធ្វើដូចម្តេច?
- 2018-10-31 03:19:53
- ចំនួនមតិ 0 | ចំនួនចែករំលែក 0
ពេលរថភ្លើងបន្លឺសញ្ញាជិតមកដល់ តើអ្នកបើកបរយានផ្សេងឆ្លងកាត់ត្រូវធ្វើដូចម្តេច?
ចន្លោះមិនឃើញ
អ្នកបើកបរយានជំនិះដែលបានឆ្លងកាត់ការប្រឡងយកបណ្ណបើកបរប្រហែលជាបានដឹងច្បាស់ហើយពីរបៀបបើកបរឆ្លងកាត់ផ្លូវរថភ្លើង ខណៈអ្នកបើកបរខ្លះទំនងជាមិនទាន់បានដឹងឬភ្លេចក៏ថាបាន ព្រោះកន្លងមកក៏ធ្លាប់មានករណីរថភ្លើងបុររថយន្តដែលបើកឆ្លងកាត់ផ្លូវរថភ្លើងផងដែរ។
ច្បាប់ចរាចរណ៍ផ្លូវគោកបានចែកពីរបៀបឆ្លងកាត់ផ្លូវរថភ្លើងដោយតម្រូវឲ្យអ្នកមើកបរយានយន្តផ្សេងៗមានការយល់ដឹងទៅលើចំណុចមួយចំនួន ដើម្បីជៀសវាងគ្រោះថ្នាក់ផ្សេងៗ។
ត្រង់មាត្រា២២ ចែងថាពេលបើកបរឆ្លងកាត់ផ្ឡូវរថភ្លើង អ្នកបើកបរយានយន្តផ្សេងៗត្រូវបន្ថយល្បឿន និងមិនត្រូវបើកចូលផ្លូវកាត់នឹងផ្លូវរថភ្លើងពេលរបាំងបិត កំពុងបិទ ឬកំពុងបើកនោះទេ។
មាត្រាដដែលចែងទៀតថាអ្នកបើកបរត្រូវស្តាប់តាមបញ្ជារបស់ឆ្មាំ កុំបង្កការរំខានឬឧបសគ្គដល់ការបើករបារ ឬ របាំងនោះទេ។ មួយវិញទៀតនៅ ពេលរថភ្លើងបន្លឺសញ្ញាជិតមកដល់ អ្នកបើកបរយានយន្តផ្សេងៗត្រូវឈប់យ៉ាងតិចពីរម៉ែត្រពីរបា ឬរបាំង ក្នុងករណីគ្មានរបារ ឬរបាំងត្រូវឈប់យ៉ាងតិចប្រាំម៉ែត្រពីផ្លូវរថភ្លើង៕