បើខ្លាចមុខកាំបិតពេទ្យ អ្នកជំងឺពក “ក” អាចដឹង ៣ចំណុចនេះទុក

2018-11-14 08:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារភាពរីកចម្រើនផ្នែកវេជ្ជសាស្ត្រក្នុងពិភពលោកមធ្យោបាយវេជ្ជសាស្ត្រនុយក្លេអ៊ែរទំនើប (Nuclear Medicine) ត្រូវបានប្រើក្នុងការព្យាបាលជំងឺពក “ក”។

កម្រិតសំយោគអ័រម៉ូនលើសពីតម្រូវការ ឬ ជំងឺពក “ក” ពុល ឬពាក្យជាភាសាអង់គ្លេស (Graves’ disease, Toxic Adenoma, and Toxic Multinodular Goiter) ដោយមិនចាំបាច់វះកាត់។

រូបតំណាង

បើតាមទំព័រហ្វេសប៊ុក មន្ទីរពេទ្យកាល់ម៉ែត បានចុះផ្សាយថា ប្រសិនបើមានបញ្ហាដូចខាងក្រោម សូមរួសរាន់មកទទួលការពិនិត្យ និងប្រឹក្សាផ្ទាល់ជាមួយគ្រូពេទ្យជំនាញឯកទេសក្រពេញអ័រម៉ូន និងគ្រូពេទ្យជំនាញឯកទេសវេជ្ជសាស្ត្រនុយក្លេអ៊ែរ នៅមន្ទីរពេទ្យកាល់ម៉ែត ដើម្បីទទួលបាននូវការព្យាបាលទាន់ពេលវេលា មានប្រសិទ្ធភាពខ្ពស់ និងមានសុវត្ថិភាពជាអតិបរមា។ ក្រៅពីនេះ សូមសង្កេតចំណុចសំខាន់ៗទាំង៣ៈ

១. មូលហេតុ

អង្គបដិបក្ខ (Antibody) នៃប្រព័ន្ធភាពស៊ាំ (Immune System) ធ្វើការខុសធម្មតា
ការបម្លែង (Mutation) នៃប្រព័ន្ធទទួលរបស់អ័រម៉ូនTSH (Thyroid-Stimulating Hormone)។

រូបតំណាង

២. រោគសញ្ញា និងរោគវិនិច្ឆ័យ

រោគសញ្ញាចម្បង

ពក “ក” ចុះទម្ងន់ ញ័រដើមទ្រូងមានអារម្មណ៍ឆាប់ខឹង ឆាប់អស់កម្លាំង ភ្នែកទាំងពីរលៀន។

រូបតំណាង

រោគវិនិច្ឆ័យ

រូបតំណាង

ដោយការធ្វើអេកូក្រពេញ “ក” (Thyroid Ultrasound)
ការបូមឈាមពិនិត្យអ័រម៉ូនទាក់ទងនឹងក្រពេញ “ក” (Hormones related to Thyroid)
ការថតក្រពេញ “ក” ដោយប្រើវេជ្ជសាស្ត្រនុយក្លេអ៊ែរ (Thyroid Scintigraphy)។

៣. ការព្យាបាល

ថ្នាំលេប អ៊ីយ៉ូដ ១៣១ (Iodine-131) នៃវេជ្ជសាស្ត្រនុយក្លេអ៊ែរ ដោយកម្រិតដុសទាប ត្រូវបានប្រើដើម្បីសម្លាប់កោសិកាក្រពេញ “ក” ដែលបញ្ចេញអ័រម៉ូនច្រើនខុសធម្មតា។ វិធីសាស្ត្រនេះ ប្រើរយៈពេលខ្លីក្នុងការព្យាបាល គ្មានការឈឺចាប់ ដោយមិនចាំបាច់សម្រាកក្នុងមន្ទីរពេទ្យ និងមិនបង្កស្លាកស្នាមលើស្បែកអ្នកជំងឺ។

អត្ថបទ៖ ពៅ រក្សា