មិនសូវមានបទថ្មីចេញមែន តែជីវិតឯកជន ឈិត សុវណ្ណបញ្ញា ហ៊ឺហាមិនចាញ់តារាកំពូលៗទេ

2018-11-15 03:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្វីបើបទចម្រៀងរបស់ កញ្ញា ឈិត សុវណ្ណបញ្ញា មិនសូវមានលើទីផ្សារ និងមិនទាន់អាចឆក់យកដួងចិត្តមិត្តយុវវ័យឲ្យផ្ទុះបាននៅឡើយ តែបើមើលពីជីវិតឯកជនប្រចាំថ្ងៃ របស់តារាស្រីរូបនេះវិញ ពិតជាហ៊ឺហារ គួរឲ្យភ្ញាក់ផ្អើល។

ម្ចាស់បទ "កន្លែងដើម តែមិនដូចដើម" តែងបង្ហាញភាពសប្បាយរីករាយ ដើរលេងកម្សាន្តក្រៅប្រទេសញឹកញាប់ មិនថាឱកាសបុណ្យទាន ឬ វិស្សមកាលនោះទេ។ ប្រទេសក្នុងតំបន់ប៉ែកអឺរ៉ុប ដូចជា អូស្រ្តាលី បារាំង អង់គ្លេស អាមេរិក ក្រិក ជាដើម និងតំបន់អាស៊ីដូចជា ថៃ សឹង្ហបុរី ហុងកុង រួមទាំងប្រទេសជាច្រើន តែងចេញទៅដើរលម្ហែ ។ សូម្បីតែដំណើរកម្សាន្តក្នុងប្រទេសវិញ ក៏តារាវ័យ៣២ឆ្នាំ ឧស្សាហ៍ដើរលេង មិនចាញ់គ្នាប៉ុន្មានដែរ។

ក្រៅពីនេះ ស្រីស្អាតក្នុងផលិតកម្មថោន តែងបង្ហាញភាពស៊ីវីល័យ នឹងរបស់ Brand ល្បីៗថ្លៃ រួមទាំងគ្រឿងអលង្ការមានតម្លៃទៀតផង។ ជាក់ស្ដែងថ្មីៗនេះ ក្នុងពិធីជប់លៀងមួយ សុវណ្ណបញ្ញា ធ្វើឲ្យអ្នកសិល្បៈបើកភ្នែកធំៗ ពេលឃើញឈុតគ្រឿងអលង្ការពាក់ពេញខ្លួន ចាំងភ្នែកព្រាកៗតែម្ដង។

បើមើលលើសម្ភារៈនិយមវិញ តារាប្រឡូកសិល្បៈមិនតិចជាង១០ឆ្នាំមកនេះ មិនអន់ជាងតារាលំដាប់កំពូលៗឡើយ។ ទាំងមានផ្ទះធំទ្រនំខ្ពស់ និងជាតារាស្រីដែលធ្លាប់ជិះរថយន្តសេរ៊ីទំនើបខ្ពស់ៗដូចជា Rang Rover , Land Cruiser ហើយថ្មីៗ តារាស្រីកើតក្នុងទីក្រុងភ្នំពេញ ជិះរថយន្ត Lexus RX 200T តម្លៃជាង៦ម៉ឺនដុល្លារ ថែមទៀត៕