ភ្ញាក់ផ្អើលគ្រប់គ្នា ពេលរដ្ឋមន្ដ្រីសន្តិសុខអ៊ីនធឺណិតជប៉ុន សារភាពថាមិនដែលប្រើកុំព្យូទ័រ

2018-11-15 07:27:48
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋមន្ត្រីផ្នែកសន្តិសុខអ៊ីនធឺណិតជប៉ុន បានបង្កឲ្យមានការភ្ញាក់ផ្អើលយ៉ាងខ្លាំង ដោយសារភាពថាមិនដែលប្រើប្រាស់កុំព្យូទ័រឡើយក្នុងជីវិតការងារ ហើយមិនស្គាល់សូម្បីមុខងាររបស់ USB Drive។

លោក Yoshitaka Sakurada

លោក Yoshitaka Sakurada អាយុ៦៨ឆ្នាំ គឺជាអនុប្រធានការិយាល័យយុទ្ធសាស្ត្រសន្តិសុខអ៊ីនធឺណិតរបស់រដ្ឋាភិបាលជប៉ុន និងជារដ្ឋមន្ត្រីទទួលបន្ទុកផ្នែកកីឡាអូឡាំពិក និងប៉ារ៉ាឡាំពិក ដែលទីក្រុងតូក្យូនឹងធ្វើម្ចាស់ផ្ទះនៅឆ្នាំ ២០២០ ខាងមុខនេះ។

កាលពីថ្ងៃពុធ ទី១៤ វិច្ឆិកា ២០១៨ ម្សិលមិញនេះ លោក Sakurada បានសារភាពនៅក្នុងសភាថា លោកមិនធ្លាប់ប្រើកុំព្យូទ័រឡើយ។ «តាំងពីអាយុ ២៥ឆ្នាំមក ខ្ញុំបានប្រើបុគ្គលិក និងលេខាធិការរបស់ខ្ញុំ ដូច្នេះខ្ញុំមិនប្រើកុំព្យូទ័រខ្លួនឯងទេ»។ នេះបើតាមសម្ដីលោក Sakurada។

យ៉ាងណាមិញ អ្នកប្រើប្រាស់បណ្ដាញសង្គមនៅប្រទេសជប៉ុន បានបញ្ចេញមតិបែបលេងសើចថា «ប្រសិនបើ Hacker ចង់លួចព័ត៌មានពីលោក Sakurada ច្បាស់ជាមិនបានផលឡើយ»៕

ចុចអាន៖