ឡូយទៀតហើយ! Wing ក្រុមហ៊ុនខ្មែរ ទទួលបានពានធុរកិច្ចលំដាប់អាស៊ាន ២ ប្រចាំឆ្នាំនេះ
- 2018-11-15 07:54:57
- ចំនួនមតិ 0 | ចំនួនចែករំលែក 0
ឡូយទៀតហើយ! Wing ក្រុមហ៊ុនខ្មែរ ទទួលបានពានធុរកិច្ចលំដាប់អាស៊ាន ២ ប្រចាំឆ្នាំនេះ
ចន្លោះមិនឃើញ
ធនាគារឯកទេស Wing បានទទួលពានរង្វាន់ចំនួន ២ នៅក្នុងកម្មវិធីពានរង្វាន់ធុរកិច្ចអាស៊ាន ប្រចាំឆ្នាំ ២០១៨ កាលពីរាត្រីថ្ងៃទី១២ វិច្ឆិកា ២០១៨ កន្លងទៅនេះ នៅសណ្ឋាគារ Ritz-Carlton ក្នុងប្រទេសសិង្ហបុរី។ ពានរង្វាន់ទាំង ២ នេះរួមមាន ពាន "សហគ្រាសសង្គម ដែលមាននិរន្តរភាព" និង "សហគ្រាសខ្នាតតូចនិងមធ្យម ដែលមានការរីកចម្រើន"។
នេះគឺជាឆ្នាំទី ២ ហើយដែល Wing បានទទួលពានរង្វាន់ នៅក្នុងកម្មវិធីពានរង្វាន់ធុរកិច្ចអាស៊ាន បន្ទាប់ពីធនាគារមួយនេះ បានទទួលពាន "សហគ្រាសជោគជ័យបំផុតទាំង ៥ ក្នុងតំបន់អាស៊ាន" កាលពីឆ្នាំ២០១៧។
គណៈកម្មការផ្តល់រង្វាន់បាននិយាយថា Wing បានបង្ហាញពីភាពច្នៃប្រឌិត និងបានរួមចំណែកយ៉ាងសំខាន់ដល់សហគមន៍ ដែលនាំឲ្យធនាគារនេះបានឈ្នះពានរង្វាន់ សម្រាប់សហគ្រាសសង្គម ប្រកបដោយនិរន្តរភាព។
លោក ចូចូ ម៉ាឡូឡូស អគ្គនាយកធនាគារឯកទេស Wing បានលើកឡើងថា៖ "ក្នុងរយៈពេល មួយទសវត្សរ៍កន្លងមកនេះ Wing មានការប្តេជ្ញាចិត្តខ្ពស់ក្នុងការជួយឲ្យប្រជាជនកម្ពុជាទទួលបាន នូវភាពងាយស្រួល និងសុវត្ថិភាព នៅពេលនិយាយអំពីសេវាកម្មហិរញ្ញវត្ថុតាមទូរសព្ទដៃ។ ការទទួលស្គាល់Wing ជា "សហគ្រាសសង្គម ដែលមាននិរន្តភាព" ដោយគណៈកម្មាធិការពានរង្វាន់ធុរកិច្ចអាស៊ាន គឺជាការឆ្លុះបញ្ចាំង នូវការប្តេជ្ញាចិត្តរបស់ Wing ក្នុងការធ្វើឱ្យមានការផ្លាស់ប្រែនៅក្នុងជីវភាពរស់នៅរបស់ប្រជាជនកម្ពុជា ខណៈដែល Wing បាននឹងកំពុងធ្វើកិច្ចការ ស្របទៅតាមចក្ខុវិស័យរបស់ខ្លួន ក្នុងការបង្កើតសង្គម នៃការទូទាត់ដោយមិនប្រើក្រដាសប្រាក់"។
គួររំលឹកផងដែរថា ពានរង្វាន់ធុរកិច្ចអាស៊ាន ២០១៨ គឺជាពានទី ២ ក្នុងរយៈពេល៣ខែ បន្ទាប់ពី Wing បានទទួលពាន "ធនាគារដែលផ្ដល់ផលប្រយោជន៍ល្អបំផុតដល់សង្គម នៅកម្ពុជាឆ្នាំ ២០១៨" កាលពីខែកញ្ញា ដោយទស្សនាវដ្តីអាជីវកម្មអន្តរជាតិ ដ៏មានឥទ្ធិពលមួយឈ្មោះថា Capital Finance International៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
