១២មេរៀន "ពេលមាន&ពេលក្រ" ដែលគ្រប់គ្នាគួរអាន និងចាំទុកមួយជីវិត

2018-11-18 04:18:27
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបតំណាង

១. ពេលក្រ ចូរនៅផ្ទះឲ្យតិច ចេញខាងក្រៅឲ្យច្រើន។ ពេលមាន ចូរព្យាយាមនៅផ្ទះឲ្យបានច្រើន ចេញខាងក្រៅឲ្យតិច។ នេះគឺជាសិល្បៈនៃការរស់នៅ។

២. ពេលក្រ ចូររៀនប្រើមាសប្រាក់ដែលមានជាមួយអ្នកដទៃ។ ពេលមាន ចូរប្រើមាសប្រាក់ដែលមានជាមួយមនុស្សដែលអ្នកស្រលាញ់ និងមនុស្សក្នុងគ្រួសារ។ គួរឲ្យស្ដាយ មានមនុស្សជាច្រើនដែលប្រព្រឹត្តផ្ទុយពីនេះ។

៣. ពេលក្រ ក៏ត្រូវរក្សាការធ្វើអំពើល្អជាមួយអ្នកដទៃ បែបនេះទើបគេហៅថា ក្រទ្រព្យតែមិនក្រចិត្ត។ ពេលមាន ត្រូវចេះធ្វើឲ្យអ្នកដទៃធ្វើល្អ និងគោរពខ្លួន ហើយក៏ត្រូវធ្វើល្អជាមួយអ្នកដទៃវិញកាន់តែច្រើនដែរ។ រៀនធ្វើជា “អ្នកឲ្យ” ជីវិតយើងនឹងមិនខ្វះ។

៤. វ័យពេញកម្លាំងគឺជាវ័យត្រូវរកទ្រព្យ ប៉ុន្តែក៏ត្រូវចេះថ្នមសុខភាព និងគិតគូរពេលវេលាផ្ទាល់ខ្លួនដែរ។ ភាពក្រមិនគួរឲ្យខ្លាចទេ តែការចេះលត់ដំខ្លួនឯង ស្គាល់ថាអ្វីសំខាន់ អ្វីមានតម្លៃ ដឹងថាគួរបណ្ដាក់ទុនលើអ្វី អ្វីមិនគួរបណ្ដាក់ទុន ដឹងថាពេលណាត្រូវសន្សំ ពេលណាគួរចាយ ទើបជារឿងសំខាន់។

៥. កុំសង្វាតតែទិញខោអាវ ប៉ុន្តែបើទិញគួរតែទិញខោអាវណាល្អបន្តិច។ ស្វែងរកឱកាសប៉ាវបាយមនុស្សដែលមានចំណេះដឹង មានគំនិត មានភាពឧស្សាហ៍ព្យាយាម ជាងខ្លួនឯង នោះអ្នកនឹងអាចទទួលបានអ្វីដែលមានតម្លៃលើសពីបាយមួយចាននោះ។

៦. ពេលសេដ្ឋកិច្ចខ្លួននឹងនរហើយ គួរប្រើលុយដែលខ្លួនមានដើម្បីបំពេញក្ដីស្រមៃរបស់ខ្លួនឲ្យក្លាយជាការពិត ត្រូវបន្ថែមស្លាបឲ្យខ្លួនឯង ហោះហើរ បោះជំហានឲ្យដល់គោលដៅ កសាងជីវិតខ្លួនឲ្យល្អជាងមុន។

៧. ពេលក្រ ធ្វើល្អជាមួយអ្នកដទៃ នឹងធ្វើឲ្យអ្នកកាន់តែចម្រើន។ ពេលមាន សាកងាកមើលកំហុសខ្លួនឯង នឹងធ្វើឲ្យអ្នកភ្លេចកំហុសរបស់អ្នកដទៃ។

៨. កុំយកមាត្រដ្ឋាន ឬស្តង់ដាររបស់អ្នកមកវាយតម្លៃខ្ញុំ ព្រោះអ្នកស្គាល់ត្រឹមតែឈ្មោះខ្ញុំ ប៉ុន្តែអ្នកមិនដឹងពីប្រវត្តិរបស់ខ្ញុំទេ។ អ្នកគ្រាន់តែឮថាខ្ញុំធ្វើអ្វី ប៉ុន្តែអ្នកមិនដឹងថាខ្ញុំត្រូវឆ្លងកាត់អ្វីខ្លះទេ។

៩. អ្នកធំពិតប្រាកដ មិនមែនអ្នកដែលប្រើអំណាចមកគំរាមកំហែងអ្នកនៅក្រោមបង្គាប់បញ្ជានោះទេ។ អ្នកពូកែពិតប្រាកដមិនបាច់បង្ខំអ្នកណា ក៏បរិវារនឹងចូលមករកឯកឯង។ មនុស្សមិនពូកែទោះបីបង្ខំ គេក៏នៅជាមួយអ្នកត្រឹមតែខ្លួន ប៉ុន្តែចិត្តគេនៅកន្លែងផ្សេងឯណោះ។ ដូចពាក្យចាស់ថា “មនុស្សមានគុណធម៌ ទោះបីមិនប្រើ ក៏គេធ្វើតាម មនុស្សគ្មានគុណធម៌ ទោះបីប្រើគេយ៉ាងណា ក៏គេមិនធ្វើតាម”។

១០. គ្មានអ្នកណាអាចធ្វើមិត្តអ្នកបានមួយជីវិតទេ ដូច្នេះត្រូវរៀនរស់នៅម្នាក់ឯងខ្លះ។ គ្មានអ្នកណាជួយអ្នកបានមួយជីវិតទេ ដូច្នេះត្រូវហាត់ពឹងពាក់ដៃពីរជើងពីររបស់ខ្លួនខ្លះ។

១១. មនុស្សយើងច្រើនច្រណែនភាពមានបានរបស់អ្នកដទៃ ប៉ុន្តែមិនគិតថាការពិតក៏មានមនុស្សកំពុងច្រណែនភាពមានបានរបស់ខ្លួនដែរ។ ការពិតមនុស្សម្នាក់ៗសុទ្ធតែមានភាពមានបាន គ្រាន់តែភាពមានបានដែលអ្នកចង់បាន ច្រើនតែជាភាពមានបានរបស់គេ ដូច្នេះហើយអ្នកក៏ចេះតែមានអារម្មណ៍ថាខ្លួនឯងខ្វះខាតជានិច្ច។

១២. មិនថាអ្នកខំប្រឹងធ្វើការយ៉ាងណា ពេលវេលាក៏មានត្រឹមតែ ២៤ម៉ោងក្នុងមួយថ្ងៃ។ មិនថាអ្នកព្យាយាមយ៉ាងណា ព្រះអាទិត្យក៏នៅតែលិចក្នុងពេលវេលាដដែលៗ។ ជីវិតមនុស្សយើងមាន “ការងារ” ឲ្យធ្វើមិនចប់មិនហើយ រឿងខ្លះប្រញាប់ធ្វើខ្លាំងពេកក៏គ្មានប្រយោជន៍ រឿងខ្លះបារម្ភទុកមុនខ្លាំងពេកក៏ខាតពេលឥតប្រយោជន៍។ ប្រើជីវិតរស់នៅជាមួយបច្ចុប្បន្ន ពេលវេលាបច្ចុប្បន្នគឺជាពេលវេលារបស់អ្នក ៕

ចុចអាន៖