សឹងមិនជឿ! ឥឡូវនេះគុណភាពខ្យល់អាកាសនៅរដ្ឋ California អាក្រក់ជាងឥណ្ឌា និងចិនទៀត

2018-11-18 06:29:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាលទ្ធផលនៃហេតុការណ៍ភ្លើងឆេះព្រៃនៅ Camp Fire នៃតំបន់ Northern California រដ្ឋ California សហរដ្ឋអាមេរិក ឥឡូវនេះគុណភាពខ្យល់អាកាសនៅទីនោះ កំពុងធ្វើឲ្យគ្រប់គ្នាព្រួយបារម្ភជាខ្លាំង។

យោងតាមសារព័ត៌មានNBC បានឲ្យដឹងថា រដ្ឋ California កំពុងជាប់ឈ្មោះថាមានគុណភាពខ្យល់អាកាសអាក្រក់បំផុតលើពិភពលោក ក្រោយរងគ្រោះដោយសារហេតុការណ៍ដ៏គួរឲ្យអាណោចអាធ័មនេះ ខណៈផ្សែងចេញពីភ្លើងឆេះ បានបន្តវាយលុកតំបន់ឆកសមុទ្រ San Francisco Bay Area , រុំព័ទ្ធជុំវិញទីក្រុង និងជំរុញឲ្យបិទសាលារៀនសាធារណៈទៀតផង។

ទោះបីជាយ៉ាងណា មន្ត្រីសុខាភិបាលអាមេរិកកំពុងលើកទឹកចិត្តអ្នកស្រុក ក៏ដូចជាអ្នកនិយមលេងអ៊ិនធឺណែត ឲ្យស្នាក់នៅក្នុងផ្ទះ និងពាក់ម៉ាស់ ប្រភេទ N95 នៅពេលចេញទៅខាងក្រៅ។

សារព័ត៌មានNBC ដដែលបានបង្ហាញថា តំបន់នៅទូទាំងឆកសមុទ្រខាងលើគឺអាក្រក់ខ្លាំងណាស់ ពោលគឺអាក្រក់ខ្លាំងជាងទីក្រុង New Dehli ប្រទេសឥណ្ឌា និងប្រទេសចិនទៅទៀត។

គួររំលឹកឲ្យដឹងថា រហូតមកទល់ពេលនេះ មានមនុស្សជាង ១ពាន់នាក់ហើយដែលបានបាត់ខ្លួន នៅក្នុងហេតុការណ៍ភ្លើងឆេះខាងលើ។ ចំណែកឯចំនួនអ្នកស្លាប់វិញបានកើនឡើងដល់ ៧៤នាក់ គិតចាប់ពីថ្ងៃទី០៨ វិច្ឆិកា ឆ្នាំ២០១៨ នៅតំបន់ Northern California៕