អង់គ្លេសនិងក្រូអាត កាត់សេចក្តីយប់នេះ អ្នកណាចាញ់នឹងធ្លាក់ចេញពី UEFA Nation League

2018-11-18 07:18:05
ចំនួនមតិ 0 | ចំនួនចែករំលែក 0

ចន្លោះមិនឃើញ

Gareth Southgate ជឿជាក់ថាក្រុមជម្រើសជាតិអង់គ្លេសគឺជាក្រុមដែលល្អជាងក្រូអាត នៅជំនួប UEFA Nation League ក្រោយព្រឹត្តិការណ៍ World Cup។

ក្រុមទាំងពីរនឹងជួបគ្នានៅឯកីឡដ្ឋាន Wembley វេលាម៉ោង៩យប់នេះ(ម៉ោងនៅកម្ពុជា) ក្រោយអង់គ្លេសចាញ់ក្រូអាតកាលពី៤ ខែមុននៅរុស្ស៊ីក្នុងវគ្គពាក់កណ្ដាលផ្ដាច់ព្រ័ត្រ World Cup។

ប្រកួតយប់នេះបើក្រុមណាឈ្នះនឹងបានឡើងកំពូលតារាងនៃពូល A(៤) ខណៈដែលក្រុមចាញ់នឹងត្រូវទម្លាក់។ ប្រសិនបើស្មើនៅ Wembley នោះអេស្ប៉ាញនឹងឈ្នះក្នុងពូល។

អ្នកឈ្នះនឹងយកគ្រប់យ៉ាង

បើអង់គ្លេសឈ្នះ នោះអង់គ្លេសនឹងឈ្នះក្នុងពូល ហើយឡើងទៅវគ្គពាក់កណ្តាលផ្តាច់ព្រ័ត្រ។ ក្រូអាតត្រូវកាត់ចេញ។

បើក្រូអាតឈ្នះ នោះក្រូអាតនឹងឈ្នះក្នុងពូល ហើយឡើងទៅវគ្គពាក់កណ្តាលផ្តាច់ព្រ័ត្រ។ អង់គ្លេសនឹងត្រូវកាត់ចេញ។

ស្មើដោយមានគ្រាប់បាល់ ក្រូអាតនឹងបញ្ចប់ចំណាត់ថ្នាក់លេខ ២ ដោយឈ្នះគ្រាប់បាល់ក្រៅដី។ អង់គ្លេសនឹងត្រូវកាត់ចេញ។

ស្មើដោយគ្មានគ្រាប់បាល់ អង់គ្លេសនឹងបញ្ចប់ចំណាត់ថ្នាក់លេខ ២ ដោយឈ្នះគ្រាប់បាល់ចំណេញ។ ក្រូអាតនឹងត្រូវកាត់ចេញ។

សម្រាប់អង់គ្លេស៥ប្រកួតចុងក្រោយមានកំណត់ត្រាល្អ ដោយចាញ់អេស្ប៉ាញ ១-២ ស្មើក្រូអាត ០-០ នឹងឈ្នះ៣ប្រកួត ខណៈដែលក្រូអាតត្រូវបានអេស្ប៉ាញលត់ ៦-០ នៅ UEFA Nation League កាលពីខែកញ្ញាកន្លងទៅ ហើយ Rakitic ក៏មិនអាចជួយក្រូអាតទល់នឹងអង់គ្លេសយប់នេះបានដែរដោយសារបញ្ហារបួស៕