Salah បដិសេធពាន MOTM ដោយឲ្យទៅ Milner ព្រោះមូលហេតុមួយ
- 2018-12-09 06:35:45
- ចំនួនមតិ 0 | ចំនួនចែករំលែក 0
Salah បដិសេធពាន MOTM ដោយឲ្យទៅ Milner ព្រោះមូលហេតុមួយ
ចន្លោះមិនឃើញ
Mohamed Salah បានបដិសេធមិនទទួលពានកីឡាករឆ្នើមប្រចាំការប្រកួត ឬ Man of the Match បើទោះជារូបគេស៊ុតបញ្ចូលទី៣គ្រាប់ក្នុងជ័យជម្នះ ៤-០ របស់ Liverpool លើ Bournemouth ក៏ដោយ។
ការមិនទទួលយកពានខាងលើដោយសារតែ Salah គិតថាវាសក្ដិសមសម្រាប់មិត្តរួមក្រុម James Milner ច្រើនជាងព្រោះយប់មិញវាជាប្រកួតនៅ Premier League ទី៥០០លើករបស់ Milner។
"ខ្ញុំមិនយកពាននេះទេ ព្រោះវាជារបស់ Milner។ Milner លេងប្រកួតទី៥០០ នៅលីគ គេលេងបានយ៉ាងល្អនៅថ្ងៃនេះហើយសមនឹងបានពាននេះ។ ខ្ញុំសង្ឃឹមថានឹងអាចធ្វើដូចជា Milner ដែលមានអាជីពបាល់ទាត់ដ៏ជោគជ័យ ហើយចំពោះពាន MOTM ខ្ញុំយកមិនបានទេ"។ ខ្សែប្រយុទ្ធសញ្ជាតិអេហ្ស៊ីបនិយាយដូច្នេះ។
បាល់ Hat trick របស់ Salah បានធ្វើឲ្យរូបគេមាន១០គ្រាប់ក្នុងតារាង Top scorer ខណៈក្រុម Liverpool ក៏បានឡើងទៅកំពូលតារាង Premier League ដូចគ្នាបន្ទាប់ពី Manchester City ចាញ់ Chelsea៕