Apple ជញ្ជក់ឈាមអ្នកប្រើកាន់តែខ្លាំងពីមួយឆ្នាំទៅមួយឆ្នាំ

2018-12-19 02:26:20
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនមែនមានតែ iPhone នោះទេដែលបានឡើងថ្លៃក្នុងរយៈពេលប៉ុន្មានឆ្នាំចុងក្រោយនេះ។ បើក្រឡេកមើលផលិតផលល្បីៗរបស់ Apple ជាច្រើនទៀតក៏បានឡើងថ្លៃមិនចេះតិចដែរ។

១. iPhone

នៅឆ្នាំ ២០១៦ តម្លៃចាប់ផ្ដើមរបស់ iPhone ស៊េរីថ្មីគឺ iPhone 7 មានចាប់ពី ៦៤៩ ដុល្លារ
នៅឆ្នាំ ២០១៧ តម្លៃចាប់ផ្ដើមរបស់ iPhone 8 មានចាប់ពី ៦៩៩ ដុល្លារ បានឡើងថ្លៃ ៧%
ឆ្នាំនេះ Apple បានដំឡើងថ្លៃ iPhone ដែលមានតម្លៃធូរថ្លៃជាងគេបន្តទៀត ជាមួយ iPhone Xr តម្លៃចាប់ពី ៧៤៩ ដុល្លារ ដែលឡើងថ្លៃ ៧%

២. iPad

នៅឆ្នាំ ២០១៧ iPad Pro ១០,៥ អ៊ីញ មានតម្លៃចាប់ពី ៦៤៩ ដុល្លារ
នៅឆ្នាំនេះ iPad Pro ទំហំ ១១ អ៊ីញមានតម្លៃចាប់ពី ៧៩៩ ដុល្លារ ឡើងថ្លៃ ២៣%
នៅឆ្នាំ ២០១៧ iPad Pro ១២,៩ អ៊ីញ មានតម្លៃចាប់ពី ៧៩៩ ដុល្លារ
នៅឆ្នាំនេះ iPad Pro ទំហំ ១២,៩ អ៊ីញ មានតម្លៃចាប់ពី ៩៩៩ ដុល្លារ ឡើងថ្លៃ ២៥%

៣. Mac Mini

នៅឆ្នាំ ២០១៧ Mac Mini មានតម្លៃចាប់ពី ៤៩៩ ដុល្លារ
នៅឆ្នាំនេះ Mac Mini មានតម្លៃចាប់ពី ៧៩៩ ដុល្លារ បានឡើងថ្លៃ ៦០% ឯណោះ

៤. MacBook Air

នៅឆ្នាំ ២០១៧ កុំព្យូទ័រ MacBook Air មានតម្លៃចាប់ពី ៩៩៩ ដុល្លារ
នៅឆ្នាំនេះ MacBook Air មានតម្លៃចាប់ពី ១ ១៩៩ ដុល្លារ បានឡើងថ្លៃ ២០%

៥. Apple Watch

នៅឆ្នាំ ២០១៧ Apple Watch Series 3 មាន GPS មិនមានស៊ីម មានតម្លៃចាប់ពី ៣២៩ ដុល្លារ
ឆ្នាំនេះ Apple Watch Series 4 មាន GPS មិនមានស៊ីម មានតម្លៃចាប់ពី ៣៩៩ ដុល្លារ ឡើងថ្លៃ ២១%

- នៅឆ្នាំ ២០១៧ Apple Watch Series 3 មាន GPS និងមានទាំងស៊ីម មានតម្លៃចាប់ពី ៣៩៩ ដុល្លារ

ឆ្នាំនេះ Apple Watch Series 4 មាន GPS មានទាំងស៊ីម មានតម្លៃចាប់ពី ៤៩៩ ដុល្លារ ឡើងថ្លៃ ២៥%

ការឡើងថ្លៃនេះអាចសមហេតុផល ដោយសារការចំណាយផលិតផលិតផលថ្មីៗគឺមានបរិមាណខ្ពស់ជាងមុន ដូចជាអេក្រង់ OLED លើ iPhone X ជាដើម។ លើសពីនេះ ដោយសារការលក់ iPhone មិនមានកំណើនខ្លាំងក្លា ហេតុនេះការដំឡើងថ្លៃអាចជួយឲ្យ iPhone រក្សាចំណូលបានខ្ពស់ដដែល។ មួយវិញទៀតវាក៏ជួយបង្កើតតម្លៃនៃម៉ាក Apple នៅក្នុងការគិតរបស់អ្នកប្រើប្រាស់ផងដែរ៕

ចុចអាន៖

ប្រភព៖ Zing ប្រែសម្រួល៖ សុខហេង