ទើបចេញសម្តែងបានមួយខេត្ត ផលិតករធ្លោយប្រាប់ពីការលំបាកតែ ឱក សុគន្ធកញ្ញា ថាសប្បាយខ្លាំង
- 2018-12-19 12:06:04
- ចំនួនមតិ 0 | ចំនួនចែករំលែក 0
ទើបចេញសម្តែងបានមួយខេត្ត ផលិតករធ្លោយប្រាប់ពីការលំបាកតែ ឱក សុគន្ធកញ្ញា ថាសប្បាយខ្លាំង
ចន្លោះមិនឃើញ
យុទ្ធនាការតន្ត្រីទេសចរណ៍ដ៏ធំប្រចាំឆ្នាំ ២០១៨ -២០១៩ របស់ក្រុមហ៊ុនស្រាបៀរកម្ពុជាកំពុងតែបោះជំហានទៅអង្រួនបងប្អូននៅតាមខេត្តហើយ ពិសេសសម្រាប់លើកនេះការប្រគំតន្ត្រីនឹងផ្ដោតតែលើចង្វាក់រ៉ក់ប៉ុណ្ណោះ ដើម្បីប្លែកពីសព្វដង និងអាចធ្វើឲ្យបងប្អូនដែលចូលរួមបានរាំលេងកម្សាន្តឲ្យប្លែកអារម្មណ៍ម្តង ដូច្នេះហើយទើបត្រូវបានគេឈ្មោះថា« Rock The Nation»។
បន្ទាប់ពីបញ្ចប់ការសម្ដែងកាលពីសប្តាហ៍កន្លងទៅ តារាចម្រៀងល្បីឈ្មោះ កញ្ញា ឱក សុគន្ធកញ្ញា បានបង្ហើបឲ្យដឹងថា ច្រៀងបទបែបរ៉ក់ ត្រូវញាក់ផង ច្រៀងផង ដូច្នេះហត់បន្តិច តែក៏សប្បាយខ្លាំងណាស់ដែរ ពិសេសពេលឃើញមានបងប្អូនចូលរួមគាំទ្រច្រើនអីចឹង ទោះច្រៀងរាំម៉េចក៏ដោយក៏មិនចេះអស់កម្លាំងដែរ។
«ការប្រគំតន្ត្រី Rock the Nation ជាកម្មវិធីប្លែកជាងការប្រគំតន្ត្រីណាៗទាំងអស់ដែលខ្ញុំធ្លាប់រៀបចំកន្លងមក ដោយសារតែការច្រៀង និងសម្តែងទាំងអស់តម្រូវឲ្យទៅជាចង្វាក់បែប រ៉ក តាំងពីដើមដល់ទីបញ្ចប់តែម្តង»។ នេះជាការលើកឡើងរបស់លោក អ៊ឹង សុខលី ផលិតករកម្មវិធីប្រគំតន្ត្រី Rock the Nation ។
លោកបន្តទៀតថា៖ «ការលំបាកក្នុងការរៀបចំកម្មវិធីនេះគឺ រាល់បទចម្រៀងទាំងអស់ដែលត្រូវយកមកច្រៀងទាមទារនូវការកែទំនុកភ្លេងទៅជាចង្វាក់ទាំងអស់ ហើយតារាចម្រៀងនីមួយៗត្រូវហាត់សមច្រើនជាងបទចម្រៀងផ៉បធម្មតា សូម្បីតែសម្លៀកបំពាក់ក៏តម្រូវឲ្យត្រូវទៅតាមបទចម្រៀងរ៉កដែរ»។
តែលោកក៏បានបញ្ជាក់ដែលថា រាល់ការលំបាកខាងលើមិនបានរាំងស្ទះដល់ភាពជោគជ័យនៃកម្មវិធីនេះឡើយ ត្បិតតារាចម្រៀងនីមួយៗប្រឹងប្រែងសហការគ្នាសម្ដែងបានយ៉ាងល្អបំផុតកាលពីសប្តាហ៍មុននៅខេត្តកំពង់ស្ពឺ ធ្វើឲ្យឆាកតន្រី្តទាំងមូលពោរពេញដោយភាពសប្បាយរីករាយ និង កន្ត្រាក់អារម្មណ៍។
បន្ទាប់! នាចុងសប្តាហ៍ថ្ងៃទី ២២-២៣ ធ្នូ ឆាប់ៗ នេះ « Rock The Nation » នឹងទៅក្រុងព្រះសីហនុ នឹងកាន់ ហើយកាន់តែសប្បាយរីករាយខ្លាំងឡើង សូមកុំភ្លេចតាមដាន និងចូលរួមឲ្យច្រើនកុះករ៕