ផ្អើលមួយប្រាវកាលពីយប់មិញ ពេល MV ល្បីៗរបស់ K-Pop ត្រូវបាត់ខ្លួនពី YouTube

2019-01-16 03:37:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅល្ងាចមិញនេះ អ្នកនិយមតាមដាន YouTube ពិសេសអ្នកគាំទ្រវិស័យ K-Pop ជួបរឿងភ្ញាក់ផ្អើលមួយពេលដឹងថាវីដេអូបទចម្រៀងល្បីៗរបស់ក្រុមចម្រៀង BTS, BLACKPINK និង TWICE បានបាត់ខ្លួន មិនអាចរកឃើញ។

វីដេអូបទចម្រៀងដែលមានការគាំទ្រខ្លាំង ដូចជា DDU-DU DDU-DU" (របស់ BLACKPINK), "Likey" (របស់ TWICE), "Yes Or Yes" (របស់ TWICE), "SOLO" (របស់ Jennie), “Singularity” (របស់ V), “New Face” (របស់ PSY) និង "Flower Road" (របស់ BIGBANG) ជាដើមបានបាត់ខ្លួនពីលើ YouTube ភ្លាមៗ បង្កឲ្យអ្នកប្រើបណ្ដាញសង្គមភ្ញាក់ផ្អើលមិនស្ទើរ។ ប៉ុន្តែប្រមាណ ១ម៉ោងកន្លះក្រោយ វីដេអូទាំងនោះក៏ត្រឡប់មកវិញ និងរក្សាចំនួនចូលមើល និងអ្វីគ្រប់យ៉ាងផ្សេងទៀតដូចដើម។

បើតាមវិបសាយ Koraeboo បានឲ្យដឹងថាមូលហេតុពីក្រោយ ក៏ដោយសារក្រុមហ៊ុនឥណ្ឌាមួយមានឈ្មោះថា "Aiplex Software Private Limited” បានដកបទទាំងនោះចេញពី YouTube ព្រោះបញ្ហា Copyright។

ទោះជាយ៉ាងណា គ្រប់យ៉ាងបានវិលមកសភាពដើម និងក៏បានធ្វើឲ្យអ្នកគាំទ្រជាច្រើនធូរចិត្តឡើងវិញ៕

ប្រភព៖ Koreaboo ប្រែសម្រួល៖ យី សុធារី