ក្រោយល្បី ម៉ៅ ស៊ីណាត ខូចមុខគួរឲ្យខ្លាចដោយសារកែសម្ផស្ស ឥឡូវ ស៊ិន ឧត្ដមផល្លា បញ្ចេញមុខនាងពិតនាពេលបច្ចុប្បន្ន

2019-01-16 03:44:21
ចំនួនមតិ 0 | ចំនួនចែករំលែក 0

ចន្លោះមិនឃើញ

មេម៉ាយរូបស្រស់ ស៊ិន ឧត្តមផល្លា បានបញ្ចេញរូបភាពបញ្ជាក់ពីមុខមាត់ពិត របស់តារាចម្រៀង ម៉ៅ ស៊ីណាត នៅព្រឹកនេះ ក្រោយពីតារាចម្រៀងបាន រងព័ត៌មាន ថាបានខូចមុខមាត់ខ្លាំង ក្រោយទទួលយកសេវាកែសម្ផស្សរបស់ភ្នាក់ងារក្នុងស្រុកមួយ។

រូបភាព៥ សន្លឹកត្រូវបានអ្នកមេម៉ាយថៅកែហាងលក់សម្ភារៈបុណ្យ យកមកអះអាងថា នេះគឺជារូបភាពបច្ចុប្បន្នរបស់តារាចម្រៀង ម៉ៅ ស៊ីណាត។ រូបភាពទាំងនោះបង្ហាញថា តារាចម្រៀងរូបនេះ មានមុខមាត់ស្អាតបាត ធម្មតាមិនដូចចចាមអារ៉ាមថា នាងខូចមុខមាត់នោះទេ។ ស៊ិន ឧត្តមផល្លា ដែលជាមិត្តរួមអាជីព និងរួមក្រុមជាមួយ ស៊ីណា បានទាត់ចោលជំនួសសាមីខ្លួន។ ផល្លា ដោយស្រង់សម្ដី របស់មិត្តនាង បានអះអាងថា ព័ត៌មានដែលលេចលឺ ដោយមិនមានសាកសួរសាមីខ្លួន គឺមានចេតនាមកលើខ្លួន(ម៉ៅ ស៊ីណាត)។

រូបដែល ស៊ិន ឧត្តមផល្លា អះអាងថាជារូបភាពបច្ចុប្បន្នរបស់ ម៉ៅ ស៊ីណាត

យ៉ាងក៏ដោយ ស៊ិន ឧត្តមផល្លា បញ្ជាក់នាង មិត្តរបស់នាងមិនខ្វល់ ចំពោះព័ត៌មាននោះឡើយ។ "នេះជាមុខមាត់បច្ចុប្បន្នរបស់ អ្នកនាង ម៉ៅ ស៊ីណាត នាងបាននិយាយថា នាងមិនបានខ្វល់អំពីសារព័ត៌មានមួយចំនួនដែលចុះផ្សាយដោយមិនបានសុំការអនុញ្ញាតពីនាង ហើយការអធិប្បាយនៅក្នុងការចុះផ្សាយនោះ ហាក់ដូចជាចង់ទម្លាក់នាង!"។ ស៊ិន ឧត្ដមផល្លា សរសេរលើហ្វេសប៊ុកនាងព្រឹកនេះ។

ថ្មីៗនេះ ម៉ៅ ស៊ីណាត តារាចម្រៀងមានទឹកដមសំឡេងស្រដៀង អ្នកស្រី ប៉ែន រ៉ន នោះ ត្រូវបានសារព័ត៌មានក្នុងស្រុកមួយចំនួន បានរាយការណ៍ថា បានខូចខាតមុខមាត់ មើលទៅគួរខ្លាច។ ជាមួយសេចក្ដីរាយការណ៍នោះ មានភ្ជាប់រូបប៉ុន្មានសន្លឹក ដែលបង្ហាញថា នាងមានមុខមាត់ជ្រីវជ្រួញ ខុសពីធម្មតា និងថា នោះគឺជាផលពីការដែលនាងបានទៅទទួលការកែសម្ផស្សនៅមជ្ឈមណ្ឌលកែសម្ផស្សក្នុងស្រុកមួយអស់ប្រាក់ប្រមាណ ២ម៉ឺនដុល្លារអាមេរិក។

រូបភាពចចាមអារ៉ាម អំពីការខូចមុខរបស់ ម៉ៅ ស៊ីណាត(រូបភាព៖ ហ្វេសប៊ុក)

ក្រោយព័ត៌មាននោះ សាមីខ្លួន មិនបានចេញមុខដោយផ្ទាល់ទេ មុនពេល ស៊ិន ឧត្តមផល្លា បានទាត់ចោលព័ត៌មានខាងលើជំនួសនាព្រឹកនេះ។ សង្កត់ធ្ងន់លើការបដិសេធដំណឹងអកុសលរបស់មិត្ត ផល្លា បានបន្តឲ្យដឹងទៀតថា មិនត្រឹមតែ មុខមាត់មិនមានបញ្ហាចោទដូចព័ត៌មានដែលលើកឡើងទេ ប៉ុន្តែ ម៉ៅ ស៊ីណាត ដែលមិត្តរបស់នាង ថែមទាំងទើបទទួលបានឱកាសការងារថ្មីជាច្រើនបន្ថែមទៀត ពីលើអាជីពច្រៀងនៅក្នុងភោជនីយដ្ឋានជាមួយគ្នា។

រូបភាព ម៉ៅ ស៊ីណាត ក្នុងក្រុម Dara Entertainment របស់ យ៉ែម សំអូន(រូបថត៖ ហ្វេសប៊ុក ផល្លា)

ការងារទាំងនោះ មានដូចជា ថតភាពយន្ត ក៏ដូចជា MV ជាដើម។ "នាងបាននិយាយថានាងនឹងប្រឡូកសិល្បៈ អោយពេញទំហឹងវិញមិនថា ថតភាពយន្ត និងច្រៀងជាដើម"។ ផល្លា បញ្ជាក់ពីការតាំងចិត្តរបស់ ម៉ៅ ស៊ីណាត ។ មិនអស់នៅឡើយ តារាចម្រៀងមេម៉ាយ ម៉ៅ ស៊ីណាត ក៏ទើបត្រូវលោក យ៉ែម សំអូន ប្រធានក្រុមពិធីការ Dara Entertainment កោះហៅចូលក្នុងក្រុមរបស់លោកផង។ នេះបើតាមការអះអាងរបស់មិត្តនាងដដែល៕

អត្ថបទ៖ ទារិកា