Klach Ey ប្រាប់គន្លឹះពិសេសដែលយកឈ្នះក្រុមខ្លាំង Never Care យកជើងឯកជាតិ

2019-01-17 01:23:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមកីឡាអេឡិចត្រូនិកទើបឡើងកូដថ្មី Klach Ey បានបានបង្កការចាប់អារម្មណ៍នៅពេលពួកគេបានប្រកួតឈ្នះក្រុមខ្លាំង Never Care ដើម្បីក្លាយជាជើងឯកកីឡាអេឡិចត្រូនិកទូទាំងប្រទេសលើវិញ្ញាសា AK2 ប្រចាំឆ្នាំ២០១៨។

ក្រុម Klach Ey ឈ្នះជើងឯកទូទាំងប្រទេស

ប្រុសស្អាត គង់ សុវត្ថិឌី ជាប្រធានក្រុម Klach Ey បាននិយាយថា ក្រុមរបស់ខ្លួនបានបង្កើតឡើងកាលពីឆ្នាំ២០១៦ និងធ្លាប់ចូលរួមប្រកួតទូទាំងប្រទេសនេះ៣ដងហើយ ប៉ុន្តែធ្វើមិនបានល្អទេទើបឆ្នាំ២០១៨ធ្វើបានល្អបំផុតគឺឈ្នះជើងឯកទូទាំងប្រទេស។

ប្រធានក្រុមរូបនេះឲ្យដឹងថា តាមពិតក្រុមរបស់ខ្លួនបានខិតខំស្វែងវិធីសាស្ត្រថ្មីៗដើម្បីប្រកួតពោលគឺមិនប្រើរបៀបប្រយុទ្ធដដែល។ ចំណុចមួយទៀតគឺសិក្សាស្វែងយល់ពីចំណុចខ្លំាង និងខ្សោយរបស់ដៃគូដើម្បីទប់ទល់ និងវាយលុកទើបធ្វើឲ្យក្រុមរបស់គេទទួលបានលទ្ធផលល្អ។

សុវត្ថិឌី បញ្ជាក់ថា ជាពិសេសទៀតនោះគឺសមាជិកក្រុមរបស់ខ្លួនម្នាក់ជាអតីតកីឡាកររបស់ក្រុម Never Care ដែលមានបទពិសោធច្រើន និងដឹងច្បាស់ពីរបៀបប្រកួតរបស់ដៃគូ។ កត្តាខាងលើរួមផ្សំទាំងការពង្រឹងស្មារតីក្រុម ការលើកទឹកចិត្តគ្នាទៅវិញមក និងភាពអត់ធន់ក្នុងពេលប្រកួតទើបធ្វើឲ្យការប្រកួតដំណើរការល្អ។

សូមទស្សនាការលើកឡើងរបស់ប្រធានក្រុម Klach Ey