ថៃ សុខចិត្តផ្អាកគម្រោងសាងសង់រថភ្លើងអេឡិចត្រូនិក ដើម្បីទប់ស្កាត់អ័ព្ទពុល
- 2019-01-17 06:34:37
- ចំនួនមតិ 0 | ចំនួនចែករំលែក 0
ថៃ សុខចិត្តផ្អាកគម្រោងសាងសង់រថភ្លើងអេឡិចត្រូនិក ដើម្បីទប់ស្កាត់អ័ព្ទពុល
ចន្លោះមិនឃើញ
ការសាងសង់គម្រោងរថភ្លើងអេឡិចត្រូនិកនៅក្នុងទីក្រុងបាងកក ត្រូវបានផ្អាករយៈពេល ៧ថ្ងៃ ខណៈពេលដែលរដ្ឋាភិបាលកំពុងទប់ស្កាត់អ័ព្ទពុលដែលគ្របដណ្ដប់ពេញរាជធានី។
លោក Arkhom Termpittayapaisith រដ្ឋមន្ត្រីនៃក្រសួងដឹកជញ្ជូន បាននិយាយកាលពីថ្ងៃពុធថា អាជ្ញាធរអន្តរកាលចរាចរណ៍ផ្លូវគោកនៃប្រទេសថៃ (MRTA) ត្រូវបានណែនាំអោយប្រាប់អ្នកម៉ៅការសំណង់ ដើម្បីផ្អាកសកម្មភាពដែលធ្វើឲ្យភាយធូលីដី រហូតដល់ថ្ងៃអង្គារសប្ដាហ៍ក្រោយ។ មិនតែប៉ុណ្ណោះ ពួកគេក៏ត្រូវសម្អាតកន្លែងសាងសង់ និងផ្លូវក្បែរនោះផងដែរ។
ជាមួយគ្នានេះ លោក Arkhom បានបន្ថែមថា សូម្បីតែរថយន្តដឹកទំនិញចេញចូលកន្លែងសាងសង់ ក៏ត្រូវតែលាងសម្អាតកង់រថយន្តរបស់ពួកគេដែរ។ ក្រៅពីនោះ លោក Arkhom ប្រាប់ឲ្យដឹងទៀតថា រថយន្តក្រុងដែលដំណើរការដោយម៉ាស៊ីនម៉ាស៊ូត ចំនួន ២ ០៧៥គ្រឿង នឹងត្រូវផ្លាស់ប្ដូរប្រេងម៉ាស៊ីន ក្នុងរយៈពេល ២ថ្ងៃ ដើម្បីការពារការបញ្ចេញផ្សែងពណ៌ខ្មៅ៕
ចុចអាន៖