នីគីនីគី បញ្ចេញវីដេអូចម្រៀង "Cross The Line” ត្រៀមបញ្ចេញអាល់ប៊ុមថ្មី "Strange Thoughts (គំនិតចម្លែក)"

2019-01-20 08:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្សិលមិញនេះតារាចម្រៀងមានឈ្មោះបោះសំឡេងក្នុងវិស័យចម្រៀង Original Song គឺ នីគីនីគី (Nikki Nikki) ទើបតែបញ្ចេញវីដេអូចម្រៀងថ្មី "Cross The Line” ដែលជាបទចម្រៀងមួយបទដកស្រង់ចេញពីអាល់ប៊ុមថ្មី "Strange Thoughts គំនិតចម្លែក” បញ្ចេញក្នុងពេលឆាប់ៗនេះ។

“Cross The Line” ជាបទចម្រៀងបែបមនោសញ្ចេតនានិយាយពីនារីម្នាក់ដែលកំពុងតែរំជើបរំជួល គិតរឿងផ្ដេសផ្ដាស។ អត្ថន័យបទចម្រៀងនេះបង្ហាញពីអារម្មណ៍ ស្រលាញ់គេដោយមិនគិតច្រើនគឺមើលតែរូបរាងខាងក្រៅ មិនប្រើបេះដូងគឺគ្រាន់តែឃើញស្អាតស្រលាញ់ភ្លាមៗ។ ដោយសារតែបែបនេះហើយ ទើបបណ្ដាលឲ្យមានបទពិសោធន៍មិនល្អច្រើនក្នុងរឿងស្នេហា។

ឈុតក្រៅឆាកខ្លះៗ ពិការថតវីដេអូចម្រៀង "Cross The Line"

ជុំវិញការបញ្ចេញវីដេអូចម្រៀងថ្មីនេះ Nikki ក៏មានគម្រោងបញ្ចេញអាល់ប៊ុមខ្នាតតូចទី២ ចំណងជើងថា "Strange Thoughts (គំនិតចម្លែក)” ដែលនឹងមានចំនួន៦បទ។ ថ្លែងមកកាន់ Sabay ម្ចាស់បទ "Go” បញ្ជាក់ថាអាល់ប៊ុមថ្មីនេះ មានភាពខុសប្លែកពីអាល់ប៊ុមដំបូង "ពពក (Clouds)” ច្រើនដោយពាក់ព័ន្ធនឹងរឿងរ៉ាវរបស់ខ្លួនផ្ទាល់ក្នុងវ័យនេះ ពីបទពិសោធន៍ផ្សេងៗរបស់អ្នកនៅជុំវិញខ្លួនកញ្ញា។

គម្របអាល់ប៊ុមថ្មី "Strange Thoughts គំនិតចម្លែក"

បទចម្រៀងទាំង៦បទនៅក្នុងអាល់ប៊ុមថ្មីមានដូចជា "Cross The Line”, “I'll Be Me (អូនជាអូន)”, “Set My Soul on Fire”, “So Much More (ft. Sam Rocker)”, “What Do You Think About Me? (បងគិតយ៉ាងណាចំពោះអូន?)”, និងបទ "នារី"។ ក្នុងបទទាំងនេះគឺនិយាយពីអារម្មណ៍រីករាយច្រើន ប៉ុន្តែបទ "នារី" និង "What Do You Think About Me? (បងគិតយ៉ាងណាចំពោះអូន?)” មានអត្ថន័យរាងកម្សត់និងជាបទភ្លេងព្យ៉ាណូ។

ទស្សនាវីដេអូចម្រៀងបទ "Cross The Line” ខាងក្រោម៖