មិនអស់ចិត្ត រឿងថាមួយពិភពលោកមានតែ១ ឥឡូវខាងព្រលាន ផ្ញើលិខិតនេះ ទៅឯកឧត្ដម ខៀវ កាញារិទ្ធិ
- 2019-01-24 05:21:56
- ចំនួនមតិ 0 | ចំនួនចែករំលែក 0
មិនអស់ចិត្ត រឿងថាមួយពិភពលោកមានតែ១ ឥឡូវខាងព្រលាន ផ្ញើលិខិតនេះ ទៅឯកឧត្ដម ខៀវ កាញារិទ្ធិ
ចន្លោះមិនឃើញ
អាកាសយានដ្ឋានអន្តជាតិភ្នំពេញ បានចេញសេចក្ដីបំភ្លឺមួយជូនទៅកាន់ ឯកឧត្ដម ខៀវ កាញារិទ្ធ រដ្ឋមន្ត្រីក្រសួងព័ត៌មាន ក្រោយពីលោកបានធ្វើការរិះគន់ចំៗទៅលើប្រព័ន្ធគិតលុយថ្មី ដែលបានដំណើរការនៅព្រលានយន្តហោះ។
នៅក្នុងលិខិតបកស្រាយ អំពីប្រព័ន្ធគិតលុយយ៉ាងក្បោះក្បាយ ជូនទៅកាន់រដ្ឋមន្ត្រីក្រសួងព័ត៌មាន ដែលបានចុះហត្ថលេខាដោយនាយកប្រតិបត្តិ នៃអាកាសយានដ្ឋានអន្តជាតិភ្នំពេញ ក៏បានភ្ជាប់ជាមួយការសុំអញ្ជើញឯកឧត្ដម ខៀវ កញារិទ្ធ អញ្ជើញទៅកាន់ព្រលានយន្តហោះភ្នំពេញ ដើម្បីទទួលបានការបកស្រាយ និងចែករំលែកព័ត៌មានអំពីប្រព័ន្ធនេះកាន់តែច្បាស់ ជូនទៅកាន់ឯកឧត្ដម។
សូមជម្រាបជូនថា កាលពីថ្មីៗកន្លងទៅនេះ ឯកឧត្ដម ខៀវ កញារិទ្ធ រដ្ឋមន្ត្រីក្រសួងព័ត៌មានបានរិះគន់ចំៗ ដោយបើកចំហនៅលើគណនីហ្វេសប៊ុករបស់លោកផ្ទាល់ អំពីប្រព័ន្ធគិតលុយនៅអាកាសយានដ្ឋានអន្តរជាតិកម្ពុជា។ ឯកឧត្ដម រដ្ឋមន្ត្រី ដែលមានប្រជាប្រិយភាពលើហ្វេសប៊ុកបានសរសេរសំណេរមួយ ដោយនិយាយចំៗគ្មានខ្លាចថា៖ «ភ្ញៀវកាន់តែច្រើន ប្រព័ន្ធបង់លុយចតរថយន្តនៅអាកាសយានដ្ឋានភ្នំពេញ កាន់តែប្រឹងធ្វើអោយយឺត ។ ធម្មតាគេបង់លុយនៅបញ្ជរចេញ តែនេះអ្នកបើកឡានត្រូវឈប់ឡាននៅបញ្ជរចេញហើយរត់ទៅបង់លុយនៅកន្លែងផ្សេង ។ ដើរម៉ាពិភពលោក ទើបឃើញក្បាច់នេះមួយ !»
ដើម្បីលម្អិតសូមមើលសេចក្ដីបំភ្លឺរបស់អាកាសយានដ្ឋានអន្តជាតិភ្នំពេញ ដូចខាងក្រោម៖