ថ្នាក់ដឹកនាំ Muangthong ថាឱកាសកីឡាករកម្ពុជាទៅលេងនៅថៃ គឺមានជានិច្ច
- 2019-02-01 09:04:31
- ចំនួនមតិ 0 | ចំនួនចែករំលែក 0
ថ្នាក់ដឹកនាំ Muangthong ថាឱកាសកីឡាករកម្ពុជាទៅលេងនៅថៃ គឺមានជានិច្ច
ចន្លោះមិនឃើញ
លោក Kan Janrat ប្រធាននិងជានាយកប្រតិបត្តិរបស់ក្លឹប Muangthong United បានបញ្ជាក់ថាឱកាសសម្រាប់កីឡាករកម្ពុជាទៅលេងនៅក្រុមរបស់លោកគឺមានជានិច្ច ឱ្យតែពួកគេមានសមត្ថភាពល្អគ្រប់គ្រាន់។
ក្រុម Muangthong នឹងត្រូវតតាំងជាមួយក្រុម Cambodia All Stars នៅថ្ងៃទី៩ខែកុម្ភៈឆ្នាំ២០១៩ខាងមុខនេះក្នុងការប្រកួតមិត្តភាពអន្តរជាតិ។ ក្នុងឱកាសសន្និសីទកាសែតមុនប្រកួតនេះដែរ លោក Kan ក៏បានបង្ហើបរឿងយកកីឡាករខ្មែរទៅលេងនៅលីគកំពូលថៃដែរ។ លោកបន្ថែមថា ក្រុមការងារទីផ្សាររកកីឡាករ គឺតែងតែតាមដានជានិច្ច តាមប្រទេសនីមួយៗ ដូចជាកម្ពុជាជាដើម។ ពួកគេមើលទៅលើកីឡាករឆ្នើមៗទាំងអស់ ហើយប្រសិនបើពួកគេព្យាយាមហ្វឹកហាត់ មានសមត្ថភាពដល់កម្រិតពេលណា នោះ Muangthong នឹងតាមប្រមាញ់យកទៅលេងជាក់ជាមិនខាន។
រំលឹកបន្តិចថាបច្ចុប្បន្នភាពនេះ មិនទាន់មានកីឡាករកម្ពុជាណាបានទៅលេងនៅលីគកំពូលថៃនៅឡើយទេ។ ដោយចុងឆ្នាំ២០១៨កន្លងទៅ មានច្រឹង ពលរដ្ឋ មួយ ដែលត្រូវបានក្លឹប Buriram United សម្លឹងឃើញ និងបានហៅទៅពិនិត្យសុខភាព។ ប៉ុន្តែដោយសារតែរបួសមិនទាន់ជាសះស្បើយ ក៏ត្រូវត្រលប់មកវិញ ព្យាបាលរបួសសិន។ ដោយឡែកក្រុម Muangthong វិញ នៅរដូវកាលថ្មីខាងមុខនេះ ពួកគេបានចុះកុងត្រាយកកីឡាករមីយ៉ាន់ម៉ាម្នាក់ឈ្មោះថា Aung Thu មកពាក់អាវលេខ៩៕