ពិសេសខ្លាំង Jaguar បង្ហាញរថយន្តដ៏ទំនើប ហើយមានទាំងឈុតប្រពៃណីខ្មែរ ល្អឥតខ្ចោះទៀត

2019-02-14 07:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Jaguar បានបង្ហាញខ្លួនជាមួយនិងរូបរាងថ្មី ២ ម៉ូដែលគឺ The New Jaguar E-Pace និង F-Pace ដែលជារថយន្ត SUV ជំនាន់ថ្មីបែបស្ព័រស្រស់ស្អាត កំលាំងម៉ាស៊ីនខ្លាំងក្លា ការរចនាប្លែក មានអារម្មណ៍រំភើបរាល់ពេលអ្នកបើកបរម្តងៗ ថែមទាំងមានការបង្ហាញឈុតប្រពៃណីខ្មែរល្អឥតខ្ចោះ រចនាដោយសំអាងការ នួនស្រី (Samangka Nournsrey) ក្នុងឱកាសនោះផងដែរ។

Jaguar F-Pace

លក្ខណសម្បត្តិនៃរថយន្ត SUV ដ៏ទំនើបនេះគឺ ការរចនាផ្នែកខាងក្នុងមានផ្ទៃទូលាយ មានផាសុកភាពទាំងអ្នកបើកបរ និងអ្នកធ្វើដំណើរ។ តាបឡូនិងផ្ទាំងបង្ហាញដំណឹងមានទំហំធំ(១០ អ៊ីញ)ប្រភេទ Touchscreen បង្កប់បច្ចេកវិទ្យាជាច្រើន ឃ្លុបខាងក្រោយអាចផ្ទុកបានច្រើន អាចកំណត់ទីតាំងកៅអីតាមចិត្ត រួមនឹងការប្រាប់ព័ត៌មាននានាពីគ្រប់ផ្នែកក្នុងរថយន្ត អមដោយជាមួយនឹងតន្ត្រីនិងការកម្សាន្តដ៏ប្លែកអារម្មណ៍។

សំអាងការ នួនស្រី

ការរចនាផ្នែកខាងមុខបំពាក់ដោយអំពូល LED headlights ភ្លឺច្បាស់ល្អ។ កញ្ចប់សងខាងក្ដោប ឯកញ្ចក់ខាងមុខ និងផ្នែកខាងក្រោយមានបង្កប់កាមេរ៉ាដែលអាចចាប់បានឆ្ងាយ បូករួមនឹងបច្ចេកវិទ្យាLane Keep Assistជួយឲ្យរថយន្តរក្សាគន្លងផ្លូវដើម បច្ចេកវិទ្យា Cruise Control, Speed Limiter និង Driver Condition Monitor មានបច្ចេកវិទ្យាជំនួយការចូលចតរួមនឹងបច្ចេកវិទ្យាជាច្រើនទៀត។

រថយន្ត Jaguar F-Pace បំពាក់ម៉ាស៊ីនម៉ាស៊ូតទំហំ ៤ ស៊ីឡាំង បង្កើតកម្លាំងបាន ១៧៧ សេះប្រើប្រអប់លេខអូតូ ៨ វគ្គ និងប្រព័ន្ធប៉ុងពីរ AWD ផ្តល់នូវទំនុកចិត្តខ្ពស់នៅពេលបើកបរគ្រប់ស្ថានភាពផ្លូវ។

ឯរថយន្ត Jaguar E-Pace ដែលជាស៊េរីថ្មី បំពាក់ម៉ាស៊ីនសាំងចំណុះ ២,០ លីត្រទំហំ ៤ ស៊ីឡាំង កម្លាំង ២៤៥ សេះប្រើប្រអប់លេខអូតូ ៩ វគ្គ ប្រព័ន្ធប៉ុងពីរ AWD មានល្បឿនអតិបរមា ២៣០ គីឡូម៉ែត្រក្នុងមួយម៉ោង។

រថយន្ត SUV ដ៏ប្រណិតទាំងពីរនេះ ជាមធ្យមស៊ីសាំងត្រឹមតែ ៨ លីត្រប៉ុណ្ណោះសម្រាប់ការរត់ចម្ងាយផ្លូវ ១០០ គីឡូម៉ែត្រ។

Jaguar E-Pace

រថយន្ត SUV ដ៏ប្រណិតបូកផ្សំជាមួយនឹងគំនិតច្នៃប្រឌិតថ្មី ធ្វើឲ្យវាក្លាយជារថយន្តដែលជាជម្រើសល្អបំផុតសម្រាប់ប្រជាជននៅប្រទេសកម្ពុជា។ សូមអញ្ជើញមកកាន់អគារតាំងលក់រថយន្ត Jaguar Land Rover ដើម្បីធ្វើការបើកបរសាកល្បងរថយន្តដ៏ប្រណិតមួយណាដែលលោកអ្នកពេញចិត្តឥលូវនេះ។

ចំពោះតម្លៃដាក់លក់ផ្លូវការគឺ E-pace តម្លៃ ១១ ៥០០០ ដុល្លារ។ ឯ F-Pace តម្លៃ ១៣ ៥០០០ ដុល្លារ៕'