អាថ៌កំបាំង២០០ឆ្នាំលើសត្វមួយប្រភេទនៅអូស្រ្តាលីត្រូវបានបង្ហាញ
- 2019-02-15 03:02:43
- ចំនួនមតិ 0 | ចំនួនចែករំលែក 0
អាថ៌កំបាំង២០០ឆ្នាំលើសត្វមួយប្រភេទនៅអូស្រ្តាលីត្រូវបានបង្ហាញ
ចន្លោះមិនឃើញ
អាថ៌កំបាំងពីរសតវត្សរ៍លើសត្វមួយប្រភេទនៅប្រទេសអូស្រ្តាលីត្រូវបានបង្ហាញដោយអ្នកស្រាវជ្រាវសាកលវិទ្យាល័យមួយរបស់ប្រទេសនេះ។
កន្លងមកសត្វ cassowary ដែលមានដុះកុយឬស្នែងនៅលើក្បាលនោះត្រូវបានអ្នកវិទ្យាសាស្រ្តឲ្យសេចក្តីសន្និដ្ឋានផ្សេងៗគ្នា។ ប្រមាណជា២០០ឆ្នាំមកនេះអ្នកខ្លះថាកុយឬស្នែងនេះប្រើសម្រាប់ការពារខ្លួនពីសត្វដទៃទៀត និងសម្រាប់វាយប្រហារលើសត្វដូចគ្នាផង។
ប៉ុន្តែការស្រាវជ្រាវថ្មីៗនេះដែលចេញផ្សាយដោយសាកលវិទ្យាល័យLa Trobe University បានបង្ហាញថាកុយឬស្នែងនេះទុកប្រើសម្រាប់រក្សាកម្ដៅ និងទប់កម្ដៅក្នុងខ្លួនរបស់សត្វ Cassowaryនៅរដូវក្ដៅ។ ប្រភពដដែលពន្យល់ថានៅពេលសីតុណ្ហភាពត្រជាក់ស្នែងនេះបញ្ចេញកម្ដៅតិចៗ ហើយនៅរដូវក្ដៅឬពេលកើតដល់៣៦អង្សាសេ ស្នែងក៏ជួយសម្របសម្រួលកម្ដៅមិនឲ្យក្ដៅខ្លាំងលើសរីរាង្គរបស់ខ្លួនវា។
អ្នកវិទ្យាសាស្ត្រខ្លះលើកឡើងដែរថាសត្វនេះដូចគ្នានឹងសត្វដាយណូស័រដែរ គឺមានស្នែងសម្រាប់ជួយរក្សាកម្ដៅក្នុងខ្លួនមិនឲ្យឡើងខ្លាំងពេក ឬទាបពេកផងដែរ៕