អត្រាកំណើតទាបនៅចិន បង្កក្ដីបារម្ភចំពោះស្រ្តី
- 2019-02-16 03:20:41
- ចំនួនមតិ 0 | ចំនួនចែករំលែក 0
អត្រាកំណើតទាបនៅចិន បង្កក្ដីបារម្ភចំពោះស្រ្តី
ចន្លោះមិនឃើញ
ទារកកើននៅប្រទេសចិនក្នុងឆ្នាំ២០១៨នេះមានជាង១៥លាននាក់ ហើយតួរលេខនេះធ្វើឲ្យមានការបារម្ភថាស្រ្តីអាចនឹងក្លាយជា«ឧបករណ៍សម្រាប់ការបន្តពូជ»។
ជាអ្នកនិពន្ធសៀវភៅ និងជាអ្នកស្រាវជ្រាវផង លោកស្រី Leta Hong Fincher បានលើកឡើងថារដ្ឋាភិបាលកន្លងមក «ចាត់ទុកស្រ្តីដូចទៅនឹងឧបករណ៍បន្តពូជ»។ អ្នស្រីពន្យល់ថានៅពេលដែលប្រទេសចិនអនុវត្តន៍គោលនយោបាយកូនតែមួយស្រ្តីជាច្រើនត្រូវបានបង្ខំឲ្ររំលូតកូនចោល។
ដូចគ្នានេះដែរ អ្នកស្រីបន្តថានៅពេលនេះអត្រាកំណើតទាប ដែលកាលពីឆ្នាំ២០១៨ តាមរបាយការណ៍បង្ហាញថាមានទារកកើតត្រឹម១៥,៣៣លាននាក់ប៉ុណ្ណោះ ហើយកាលពីឆ្នាំ២០១៧ ក៏ទាបដូចគ្នា បើ ទោះបីជារដ្ឋាភិបាលបានអនុញ្ញាតឲ្យប្រជាពលរដ្ឋអាចមានកូនពីរតាំងពីឆ្នាំ២០១៦ក៏ដោយ។ អត្រាកំណើតទាបបែបនេះធ្លាប់មានកាលពីឆ្នាំ១៩៦១ ដែលកាលនោះមនុស្សរាប់លាននាក់ស្លាប់ដោយសារគ្រោះទុរភិក្សធ្ងន់ធ្ងរ។
អ្នកស្រីឲ្យដឹងដែរថាស្រ្តីដែលបាន ទទួលការអប់រំខ្ពស់លើងសូវចាប់អារម្មន៍រឿងចង់រៀបការ ឬបានកូននៅក្មេងដូចជំនាន់មុនទៀតហើយ។ អ្នកស្រីបារម្ភថាដោយសារអត្រាកំណើតទាបបែបនេះអាចនាំឲ្យមានការបង្ខំឲ្យស្រ្តីយកកូនបន្ថែម។
គួរបញ្ជាក់ថាបច្ចុប្បន្ននៅប្រទេសចិនបុរសមានច្រើនជាងស្រ្តីប្រហែលជា៣១លាននាក់៕