អ្នកណាខ្លះ Fan ស្មាត់ ឌូក ពេលនេះចូលហ្វឹកហាត់វិញហើយ
- 2019-02-21 08:35:44
- ចំនួនមតិ 0 | ចំនួនចែករំលែក 0
អ្នកណាខ្លះ Fan ស្មាត់ ឌូក ពេលនេះចូលហ្វឹកហាត់វិញហើយ
ចន្លោះមិនឃើញ
ស្មាត់ធំ និងជាជម្រើសជាតិឆ្នេរខ្សាច់របស់កម្ពុជាកីឡាករបាល់ទះ ជុក សោភា (ឌូក) ពេលនេះបានវិលចូលមកកាន់ទីលានហ្វឹកហាត់វិញហើយ បន្ទាប់ពីសម្រាកព្យាបាលរបួសជិត២ខែ។
ស្មាត់ ឌូក ទទួលការបាក់ម្រាមដៃក្នុងអំឡុងប្រកួតមិត្តភាពនៅតារាងបាល់ទះមួយកាលចុងខែធ្នូ ឆ្នាំ២០១៨ ហើយពេលនេះរូបគេបានវិលមកកាន់ទីលានហ្វឹកហាត់វិញហើយ។ បើតាមលោក ជុំ រដ្ឋា គ្រូបង្វឹកបាល់ទះជម្រើសជាតិកម្ពុជាបានឲ្យដឹងថា ឌូក ហាក់នៅខ្លាចរអាតិចតួចក្នុងអំឡុងហ្វឹកហាត់ ពីព្រោះរូបគេមិនទាន់សមជាមួយដៃ ដែលធ្លាប់ទទួលរងរបួសបាក់។
គ្រូបង្វឹកដែលធ្លាប់ចេញទៅហាត់នៅចិនរូបនេះបន្ថែមថា លោកបានដាក់លំហាត់ដល់ ឌូក ឲ្យហាត់ទះបាល់ផ្ទប់ដៃរបស់ខ្លួនដែលធ្លាប់បាក់ ដើម្បីឲ្យសម។ លោកថា មិនយូរទេ ឌូក នឹងជាសះស្បើយឡើងវិញ។
ជុក សោភា ហៅ ឌូក ជាស្មាត់ធំមួយរូបរបស់កម្ពុជា ដែលគេតែងស្គាល់ថា មានសមត្ថភាពលោតបានខ្ពស់ និងវ៉ៃលើបាំងល្អ។ ឌូក គឺជាអតីតជម្រើសជាតិបាល់ទះលើក្ដាររបស់កម្ពុជាមួយរូបមានបទពិសោធច្រើន និងជាស្មាត់ធំមួយរូបរបស់ក្លឹបកងទ័ពអន្តរាគមន៍លេខ៣៕