រជ្ជទាយាទអារ៉ាប៊ីសាអ៊ូឌីតទទួលបានអំណោយប្លែកមួយនៅប៉ាគីស្ថាន
- 2019-02-21 13:52:06
- ចំនួនមតិ 0 | ចំនួនចែករំលែក 0
រជ្ជទាយាទអារ៉ាប៊ីសាអ៊ូឌីតទទួលបានអំណោយប្លែកមួយនៅប៉ាគីស្ថាន
ចន្លោះមិនឃើញ
វាមិនមែនជារឿងប្លែកទេ ដែលប្រតិភូជាន់ខ្ពស់បរទេសទទួលអំណោយជាស្រាបារាំង ឬបារីស៊ីហ្គាគុយបា តែវាជារឿងជាចម្លែកមួយដែលមានការថ្វាយកាំភ្លើងជូនរជ្ជទាយាទប្រទេសអារ៉ាប៊ីសាអ៊ូឌីត។
ក្រោយពីចុះកិច្ចព្រមព្រៀងវិនិយោគក្នុងទំហំទឹកប្រាក់ ២០ប៊ីលានដុល្លារ គណៈប្រតិភូព្រឹទ្ធសភាប៉ាគីស្ថានបានថ្វាយនូវកាំភ្លើងស្រោបមាសទៅកាន់ព្រះអង្គម្ចាស់ Mohammed bin Salman (MBS) រជ្ជទាយាទនៃប្រទេសអារ៉ាប៊ីសាអ៊ូឌីត។
កាំភ្លើងស្រោបមាសនោះ ជាកាំភ្លើង Submachine Gun មានឈ្មោះថា The Hekler&Koch MP5 ដែលធ្វើដោយអ្នកជំនាញអាល្លឺម៉ង់។
ក្រៅពីនេះដែរ ប្រធានាធិបតីប៉ាគីស្ថានលោក Arif Alvi បានបំពាក់មេដាយជាតិជាន់ខ្ពស់ប៉ាគីស្ថានថ្វាយដល់ MBS ផងដែរនៅកំឡុងថ្ងៃដែលព្រះអង្គយាងទៅទស្សនកិច្ចនៅប្រទេសប៉ាគីស្ថាន៕