បម្រាមមិនឲ្យទិញកីឡាករអំឡុងទីផ្សារដោះដូរកីឡាកររបស់ Chelsea ជារឿងល្អសម្រាប់ក្លឹប
- 2019-02-23 07:25:43
- ចំនួនមតិ 0 | ចំនួនចែករំលែក 0
បម្រាមមិនឲ្យទិញកីឡាករអំឡុងទីផ្សារដោះដូរកីឡាកររបស់ Chelsea ជារឿងល្អសម្រាប់ក្លឹប
ចន្លោះមិនឃើញ
អារម្មណ៍ជុំវិញ Stamford Bridge មានភាពតានតឹងខ្លាំង ក្នុងប៉ុន្មានសប្តាហ៍ថ្មីៗនេះ។ ក្រោមការដឹកនាំរបស់ Maurizio Sarri ក្រុម Chelsea បានរងបរាជ័យយ៉ាងអាម៉ាស់ក្នុងការប្រកួតជាមួយ Bournemouth និង Manchester City ហើយអ្នកគាំទ្រជាច្រើននាំគ្នាទម្លាក់បន្ទុកដាក់លើគ្រូបង្វឹក។
កាន់តែធ្ងន់ធ្ងរជាងនេះទៅទៀត ក្រុមតោខៀវត្រូវបាន FIFA ដាក់បម្រាមមិនឲ្យទិញកីឡាករអំឡុងទីផ្សារដោះដូរកីឡាករចំនួន២លើក ទាក់ទងទៅនឹងការផ្ទេរកីឡាករបរទេសក្រោមអាយុ១៨ឆ្នាំ។
ប៉ុន្តែផ្ទុយទៅវិញ បម្រាមមិនឲ្យផ្ទេរកីឡាកររបស់ FIFA អាចមានភាពវិជ្ជមានច្រើនសម្រាប់អតីតជើងឯក UEFA Champions League រដូវកាល ២០១១-១២។
អនាគតរបស់ Eden Hazard
Hazard ត្រូវបានរាយការណ៍អាចនឹងចេញទៅ Real Madrid នៅទីផ្សារដោះដូរកីឡាកររដូវក្តៅនេះ ប្រសិនបើកីឡាករបែលហ្ស៊ិកមិនព្រមចុះហត្ថលេខាលើកុងត្រាដែលជិតផុតកំណត់។
ទោះជាយ៉ាងណា បម្រាមរបស់ FIFA អាចជាកាតាលីករសម្រាប់ Chelseaក្នុងការជម្រុញ Hazard ឲ្យចុះកិច្ចសន្យាថ្មីជាមួយក្លឹប។
ស្ថានភាពនេះមានភាពស្រដៀងគ្នាទៅនឹង Atletico Madrid។ Antoine Griezmann ស្ទើរតែចេញទៅ Barcelona នៅឆ្នាំ ២០១៨ ប៉ុន្តែដោយសារតែ Atletico រងបម្រាមរបស់ FIFA ដូចករណី Chelsea បច្ចុប្បន្ន កាលណោះ Griezmann បានធ្វើឲ្យអ្នកគាំទ្រជាច្រើនភ្ញាក់ផ្អើលយ៉ាងខ្លាំងនៅពេលកីឡាករបារាំងព្រមចុះកិច្ចសន្យាថ្មីនៅក្លឹប។
Gonzalo Higuain និង Mateo Kovacic
ប្រសិនបើគ្មានបម្រាម Chelsea នឹងជួបបញ្ហាប្រឈមជាមួយកីឡាករ Gonzalo Higuain និង Mateo Kovacic ដែលបច្ចុប្បន្នកំពុងខ្ចីជើងនៅ Stamford Bridge ។
គេមិនទាន់ច្បាស់នៅឡើយថាតើ Chelsea អាចនឹងមានសិទ្ធិធ្វើយ៉ាងណាលើកិច្ចព្រមព្រៀងនេះប្រសិនបើគ្មានបម្រាមដើម្បីជួយពន្យារពេល។
Christian Pulisic
គួរឱ្យរីករាយChristian Pulisic ដែល Chelsea ទិញក្នុងតម្លៃ ៥៨ លានផោន (៧៥ លានដុល្លារ) ពី Borussia Dortmund នឹងមិនរងផលប៉ះពាល់អ្វីទាំងអស់។
Pulisic គឺជាកីឡាករដែលត្រូវបានចុះកុងត្រាជាមួយ Chelsea រួចហើយកាលពីខែមករា នោះមានន័យថាកីឡាករសញ្ជាតិអាមេរិកអាចវិលទៅកាន់ Stamford Bridge បាននៅរដូវក្តៅនេះ។
បម្រាម FIFA ជាផ្លូវត្រួសត្រាយឲ្យ Hudson-Odoi បន្តនៅ Chelsea
Hudson-Odoi ត្រូវបានរាយការណ៍នឹងអាចចេញទៅ Bayern Munich។ Hudson-Odoi កីឡាករវ័យ១៨ឆ្នាំរបស់អង់គ្លេសនឹងពាក្យអាវលេខ១០របស់ Arjen Robben នៅទឹកដី Allianz Arena ខណៈដែលខ្សែប្រយុទ្ធហូឡង់រូបនេះនឹងចាកចេញពី Bayern នៅពេលកិច្ចសន្យាផុតកំណត់នៅរដូវក្តៅនេះ។
ក្លឹបតោខៀវ Chelsea ត្រូវបានគេមើលឃើញថា កំពុងតែលេងល្បែងគ្រោះថ្នាក់ អាចបាត់បង់កីឡាករមានទេពកោសល្យម្នាក់ទៀត ដូចធ្លាប់បាត់បង់ Kevin De Bruyne, Romelu Lukaku និង Mohamed Salah ជាដើម។ ប៉ុន្តែបម្រាមមិនឲ្យដោះដូរកីឡាករអំឡុងទីផ្សារដោះដូរអាចជាផ្លូវត្រួសត្រាយឲ្យ Hudson-Odoi បន្តនៅ Chelsea។
ក្រៅពី Hazard ខ្សែបម្រើ ផ្សេងទៀតរបស់ Chelsea គឺ Willian និង Pedro សុទ្ធសឹងតែមានអាយុលើសពី ៣០ ឆ្នាំ ហើយបើ Chelseaអនុញ្ញាតឱ្យ Hudson-Odoi ចាកចេញពីក្លឹបមែន នោះពិតជា ការសម្រេចចិត្តដ៏ល្ងង់ខ្លៅបំផុត៕