អីយ៉ា! តោះរាំក្បាច់ជ្រូក ពីតារាចម្រៀង Original Song ពៅ ពេជ្រ លឺហើយ ញ័រជើងចង់រាំ

2019-03-20 10:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បុណ្យចូលឆ្នាំថ្មីប្រពៃណីជាតិកាន់តែជិតចូលមកដល់ តារាចម្រៀងជាច្រើនបានចេញបទថ្មីៗជាបន្តបន្ទាប់ ។ ដោយឡែក តារាចម្រៀងរាងខ្ពស់សង្ហា ពៅ ពេជ្រ បានបញ្ចេញស្នាដៃថ្មី MV ជា Original Song មានចំណងជើងថា "តោះ រាំក្បាច់ជ្រូក" ពីរោះសប្បាយប្លែកភ្នែកតែម្ដង ។

អតីតតារាចម្រៀងប្រចាំផលិតកម្ម Rock រូបនេះ បច្ចុប្បន្នជាតារាចម្រៀងឯករាជ្យដោយមិនទាន់ចូលក្នុងទ្រនំណានោះឡើយ។ សម្រាប់លោកផ្ទាល់ ប្រកាន់ភ្ជាប់ច្រៀងបទចម្រៀងស្នាដៃនិពន្ធថ្មីមិនចម្លង ព្រោះលោកជាតារាចម្រៀង Original Song ម្នាក់ ដែលមិនត្រឹមច្រៀងពីរោះទេ តែអាចរាំ និងនិពន្ធចម្រៀងបានផងដែរ។ កាន់តែពិសេសនោះ តារាចម្រៀងរូបនេះ មានក្រុមហ៊ុនជួយគាំទ្រច្រើននិង តែងមានម្ចាស់ឧបត្ថម្ភជាទំនិញផ្សេងៗ រាល់ពេលចេញបទថ្មីម្ដងៗ ។

លោក ពៅ ពេជ្រ បានឲ្យដឹងថា MV ថ្មីនេះ ជាប្រភេទបទសម័យក៏ពិតមែន តែមានលាយបញ្ចូលភ្លេងខ្មែរ ដោយតួសម្ដែង គឺកញ្ញា យេយេ និងកញ្ញា កូកូ បានស្លៀកពាក់តាមបែបសម័យលង្វែក ផងដែរ។

សម្រាប់ឆ្នាំនេះ លោក ពៅ ពេជ្រ បានបញ្ចេញស្នាដៃ២បទមកហើយ "កញ្ញាធ្មេញដែក" និងបទថ្មីនេះគឺ "តោះ រាំក្បាច់ជ្រូក" ។

សូមទស្សនាបទចម្រៀង "តោះ រាំក្បាច់ជ្រូក" ទាំងអស់គ្នា៖