Vinicius បង្ហើបថាក្លឹបធំមួយចង់ឲ្យលុយច្រើនជាង Real ទៀតផង
- 2019-03-20 12:40:57
- ចំនួនមតិ 0 | ចំនួនចែករំលែក 0
Vinicius បង្ហើបថាក្លឹបធំមួយចង់ឲ្យលុយច្រើនជាង Real ទៀតផង
ចន្លោះមិនឃើញ
ខ្សែប្រយុទ្ធក្លឹប Real Madrid កីឡាករ Vinicius Jr បានប្រាប់សារព័ត៌មាន Cadena Ser ថា ក្លឹប Barcelona មានបំណងឲ្យប្រាក់ខែច្រើនជាងក្លឹបអធិរាជសទៀតផង តែរូបគេជ្រើសរើសគម្រោងដែលផ្ដល់ឲ្យដោយក្លឹប Real Madrid។
Vinicius បាននិយាយថា៖ " ឪពុករបស់ខ្ញុំមិនដែលប្រាប់ពីចំណាប់អារម្មណ៍របស់ក្លឹប Real Madrid និងBarcelona ទេ រហូតដល់ក្លឹបទាំងពីរទាក់ទងមក។ បន្ទាប់មក ពួកយើងក៏ទៅមើលក្លឹបទាំងពីរ ហើយក៏ចូលចិត្តទាំង Barcelona និង Real Madrid '' ។
ខ្សែប្រយុទ្ធប្រេស៊ីលរូបនេះបានបន្តថា៖ " Barcelona ចង់ឲ្យលុយខ្ញុំច្រើនជាងនេះ តែឪពុកខ្ញុំ និងខ្ញុំចង់បានគម្រោងដ៏ល្អជាងគេរបស់ Real Madrid '' ។
កីឡាកររូបនេះបានបន្ថែមថា៖ " អ្វីៗកើតឡើងលឿនណាស់។ គ្មាននរណាគេគិតថា ខ្ញុំបានលេងក្រៅប្រទេសប្រស៊ីលទេ " ។
សូមបញ្ជាក់ផងដែរថា Real Madrid បានចុះកុងត្រាផ្ទេរយក Vinicius Jr នៅឆ្នាំ២០១៧ តែកីឡាកររូបនេះមកលេងនៅអេស្ប៉ាញនៅឆ្នាំ២០១៨ បន្ទាប់ពីរូបគេគ្រប់អាយុ ១៨ឆ្នាំ៕