អ៊ុយរុយហ្គាយ យកឈ្នះថៃ លើកពាន China Cup
- 2019-03-25 14:04:54
- ចំនួនមតិ 0 | ចំនួនចែករំលែក 0
អ៊ុយរុយហ្គាយ យកឈ្នះថៃ លើកពាន China Cup
ចន្លោះមិនឃើញ
ក្នុងការប្រកួតវគ្គផ្ដាច់ព្រាត់ពានមិត្តភាព China Cup ប្រទេសអាមេរិកខាងត្បូងអ៊ុយរុយហ្គាយ បានយកឈ្នះ ប្រទេសថៃ ក្នុងលទ្ធផល ៤ ទល់នឹង ០។
ក្រុមអ៊ុយរុយហ្គាយបានដាក់មួយគ្រាប់បើកឆាក នៅនាទីទី ៦ ដោយខ្សែបម្រើក្លឹប Inter Milan កីឡាករ Matias Vecino។ កន្លងបានជាង ៣០នាទី នៅនាទីទី ៣៨ ខ្សែបម្រើក្លឹបហុល្លង់ PSV Eindhoven កីឡាករ Gaston Pereiro បានថែមមួយគ្រាប់មុននឹងបញ្ចប់តង់ទី ១។
លុះចូលតង់ទី ២ ខ្សែប្រយុទ្ធក្លឹបអេស្ប៉ាញ Girona កីឡាករ Cristhian Stauni បានរកបានមួយគ្រាប់នៅនាទីទី ៥៨ ហើយ ៣០នាទីក្រោយមក ខ្សែប្រយុទ្ធក្លឹបអេស្ប៉ាញកីឡាករ Maximiliano Gomez បានដាក់មួយគ្រាប់ទៀតមុននឹងបញ្ចប់ការប្រកួត។
សូមបញ្ជាក់ផងដែរថា កាលពីវគ្គពាក់កណ្ដាលផ្ដាច់ព្រាត់ ថៃបានយកឈ្នះចិន ក្នុងលទ្ធផល ១ ទល់នឹង ០ ខណៈអ៊ុយរុយហ្គាយ លត់អ៊ូបេគីស្ថាន ៣-០៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
