បើកដំណើរការឡើងវិញហើយ! តោះដឹងត្រួសៗពីប្រវត្តិស្ពានជ្រោយចង្វារទី១នេះ
- 2019-04-03 02:35:14
- ចំនួនមតិ 0 | ចំនួនចែករំលែក 0
បើកដំណើរការឡើងវិញហើយ! តោះដឹងត្រួសៗពីប្រវត្តិស្ពានជ្រោយចង្វារទី១នេះ
ចន្លោះមិនឃើញ
នៅថ្ងៃនេះស្ពានជ្រោយចង្វារទី១ត្រូវបានបើកឲ្យដំណើរការឡើងវិញហើយក្រោយពីបានផ្អាកដំណើរការដើម្បីជួសជុលឡើងវិញអស់ជាច្រើនខែមក។
ស្ពានជ្រោយចង្វារត្រូវបានកសាងក្នុងទសវត្សរ៍ឆ្នាំ១៩៦០ ដោយជប៉ុន ហើយស្ពាននេះ ត្រូវបានកាត់ផ្ដាច់នៅឆ្នាំ១៩៧២ ខណៈកម្ពុជាកំពុងមានសង្គ្រាមក្នុងស្រុក។
នៅលើទំព័រហ្វេសប៊ុករបស់សម្ដេចហ៊ុន សែន នៅព្រឹកនេះ សរសេរដែរថាក្រោយការកាត់ផ្ដាច់អស់រយៈពេល២០ឆ្នាំ ស្ពាននេះត្រូវបានតភ្ជាប់វិញដោយជប៉ុន និងបានដាក់ឈ្មោះថាស្ពានមិត្តភាពកម្ពុជា-ជប៉ុន ដោយព្រះមហាវិរៈក្សត្រព្រះបានមររតនកោដ្ឋ សម្ដេចព្រះនរោត្តម សីហនុ។
មុនមានការតភ្ជាប់ ប្រជាពលរដ្ឋត្រូវប្រើទូក និងកាណូតជាដើមដើម្បីឆ្លងពីត្រើយម្ខាងទៅត្រើយម្ខាងទៀត។
ដោយឡែកនៅឆ្នាំ២០១៧ ស្ពាននេះក៏បានផ្អាកដំណើរការ ដើម្បីធ្វើការជួសជុលឡើងវិញម្ដងទៀតក្រោមជំនួយឥសំណងរបស់ជប៉ុន៣០លានដុល្លារអាមេរិក។ ប្រភពដដេលបន្តថាក្រោយការជួសជុលស្ពាននេះអាចប្រើប្រាស់បានរហូតដល់៥០ឆ្នាំទៅមុខទៀត។
នៅលើ ទំព័រហ្វេសប៊ុកសម្ដេចសរសេរទៀតថា៖ «ការសម្ពោធដាក់ឱ្យប្រើប្រាស់ឡើងវិញនៃស្ពានជ្រោយចង្វារទី១នេះហាក់បីដូចជាសមិទ្ធផលថ្មីមួយទៀតផងដែរ សម្រាប់រាជធានីភ្នំពេញ ក្នុងការបម្រើដល់ការធ្វើដំណើរនិងដឹកជញ្ជូនទំនិញចេញចូលរបស់បងប្អូនប្រជាពលរដ្ឋទូទៅ ជាពិសេសការដាក់ឲ្យប្រើប្រាស់ថ្ងៃនេះ ក៏ជាចំណងដៃថ្មីដល់ប្រជាពលរដ្ឋ មុនឱកាសនៃពិធីបុណ្យចូលឆ្នាំប្រពៃណីជាតិខ្មែរដែលនឹងចូលមកដល់ពាក់កណ្តាលខែមេសាខាងមុខនេះ»៕